李幸倪天生太敏感　上Acting class見人嗌交無啦啦爆喊

歌手Gin Lee（李幸倪）早前自揭在一次看中醫時，醫師從她的舌頭判斷出她屬於「高敏感人群」，容易被環境變化而受影響。她日前在社交網發文分享感受，寫道：「你係咪一個好容易畀其他人情緒影響嘅人？會唔會成日反覆諗住同一件事？對光線、聲音特別敏感？如果以上講中咗一樣，咁你都有可能係一位高敏感人。」她直言高敏感並不是缺陷，亦無需要刻意隱藏，反而更要學懂跟自己相處，在比其他人感受多的同時，也要給自己的「內在雷達」充足喘息機會：「講個小秘密你哋知，雖然我好鍾意音樂，但去睇演唱會時，如果聲量太大，我會戴耳塞。唔係覺得唔好聽，而係因為感官超載，反而享受唔到。」

Gin Lee又分享一次十分深刻的經歷：「上Acting class嗰陣，要輪流做練習。前面嘅同學用地鐵站名嗌交，內容明明好無意義，但見到佢哋嗌交嗌到面紅耳，我竟然睇到喊咗出嚟。」她坦言因為會不自覺地接收過量信息，高敏感人士到去人多的場合會特別易攰，她教路：「我成日笑自己Data Overloaded，以前啲friend會問我『做咩成日放空？』依家終於明，我嘅大腦需要Offline一陣。所以依家我一得閒就會冥想，尤其搭車同臨瞓前，暫時同外界斷線，令自己穩定番。」她認為最重要是了解自己，這樣才可以找到最舒服的生活方式。

東網網站 : https://on.cc/東網Facebook專頁 : https://www.facebook.com/onccnews/