王晶稱盜版反助內地儲人氣　關秀媚爆吳彥祖拍激情戲會面紅

王晶在個人的YouTube頻道節目《王晶笑看江湖》，最新一集找來合作多年，有晶女郎之稱的關秀媚做嘉賓。自從關秀媚拍下王晶執導的《龍在江湖》及《知法犯法》，分別飾演劉德華及的曾志偉另一半後，大嫂形像深入民心，故被封為「江湖最強大嫂」。節目中，關秀媚就追問為何當初合作便一直要她演阿嫂角色。

對於「江湖最強大嫂」這個稱號，關秀媚樂於接受︰「我離開娛樂圈咁耐，仲留畀觀眾咁多回憶，都好安慰。」她還在節目中向王晶追問，為何一直找她演阿嫂角色。王晶指她與林熙蕾、舒淇不同，特別有一份女人味︰「佢哋仲走緊少女味時，你已散發女人味，好適合演大嫂。」

王晶又謂關秀媚當紅那年頭，正值翻版盜版猖獗年代，起初都痛恨它們令票房大減。不過多年後，發現因為這些影碟會在內地的錄像廳放映，無意中讓當時十三億人民看到，令自己當年就算未踏足內地市場，去到邊都有人識。

節目中關秀媚重提拍攝電影《知法犯法》趣事，當時要與吳彥祖演一場激情戲，開拍了已告知對方會接觸到那些部位，有心理準備，但意想不到吳彥祖一開拍就面都紅晒。「當時導演仲叫我將雙手插入佢褲入面，但我見佢已經面紅，所以冇做到，我要令佢快啲冷靜落嚟。」更好笑是當關秀媚身邊的朋友知自己跟吳彥祖肉搏，立即致電追問︰「點呀？佢正唔正呀？」可見一代男神人人都想要。