自COLLAR出道後，有關MIRROR的新聞多多，繼鏡粉投訴MIRROR出道待遇不夠新女團，又指MIRROR社交平台的小編經營不力，因而引發IG小編寸嘴事件，形成小型公關災難，就連經理人花姐都要出來道歉。沒想到事件繼續發酵，昨日陳志雲爆料指MIRROR工作人員寸嘴有前科，聽過電台同事曾經受到個別人員的不禮貌對待，甚至有怨言。
陳志雲昨日（19日）在他的YouTube頻道中，以「時事短評—難為了姜濤」為題，談論姜濤近日受私追影響，情況相當嚴重，希望愛惜姜濤的朋友可以多給他私人空間；另一方面又提及MIRROR IG小編最近爆出公關災難，不但隔空與鏡粉開火，而且態度惡劣，隨即惹來網民及粉絲不滿小編的工作態度，最終要花姐出來代為道歉。
陳志雲提及事件時，表示曾聽到電台同事遭受MIRROR幕後團隊個別人員的不禮貌對待。他說：「我都聽過電台同事對MIRROR幕後個別人員有啲怨言，MIRROR個別成員久唔久都會嚟電台接受訪問。有啲同事係佢哋粉絲，知道佢哋嚟時就趁機喺直播室等佢哋，希望可以影一張相。有位同事話，當時跟住MIRROR嘅工作人員都幾唔禮貌同佢講：『你屬於邊個部門？你咁樣嚟要求影相，有冇徵求過你上司同意？』結果場面搞到幾尷尬。」
陳志雲直言理解藝人時間相當緊迫匆忙，亦未必有時間滿足所有人合照的要求，卻能有個更禮貌的做法：「可以代表藝人講一聲：『對唔住，因為工作關係，今日唔可以多留影相。』我諗咁講大家都會諒解明白，唔一定要用到頭先嗰種語氣同語句表達。」他又指只是聽聞事件，未知到底是否真的發生過：「如果真係發生過，就希望幫助MIRROR宣傳嘅同事可以參考下呢個意見，畢竟大家都係愛MIRROR先會有咁嘅反應。」
不少網民都留言表示認同，又希望MIRROR幕後工作人員可以改善態度：「聽過ViuTV規定不許內部員工找MIRROR成員合照，以免構成騷擾」、「MIRROR身後工作人員態度惡劣已經唔係第一次聽，仲要話有啲客戶都怕咗MIRROR，連志雲大師都咁講，希望幕後所有工作人員都改善，免得破壞MIRROR由零開始建立返嚟嘅成就！」
