梁允瑜峇里玩網紅鞦韆晒大長腿　谷胸比堅尼孖猛男合照

「粗口港姐」梁允瑜愛派軍糧，成日都有別致性感相贈網友，今次佢同好友去到印尼峇里島玩，當中就唔少得去網紅叢林鞦韆打卡，佢專登換上高衩Deep V晚裝裙同好友齊齊坐上鞦韆，仲故意掀開裙仔露出一雙索爆大長腿，盪盪吓又見到有專人跟到實拍片，梁允瑜就自爆不惜搵當地人幫手拍網紅靚片，拍得令佢非常滿意，預告會放上網畀大家慢慢睇。

再轉眼又見到佢同好友去玩ATV越野車，一身小背心短裙仔上陣，英氣十足，佢仲同好友換上性感比堅尼Selfie，上圍激凸令人噴鼻血，仲見到身後出現兩位男士同佢哋一齊影，搞到網友都好奇兩位男士同佢哋係咩關係。

東網網站 : https://on.cc/東網Facebook專頁 : https://www.facebook.com/onccnews/