MIRROR最近終於久違地推出抒情團歌《手印》，彷彿講出依十二個仔嘅故事，勵志感人。
「隨各自進化漸有了不安的變卦 城市內散播著各種聲音不像話」
追夢路上必定有眾多難關，特別身處依個社會，熱情往往被批評同挫折而沖淡，放棄念頭不斷湧出，好似睇唔到前路。
面對逆境，未必有一套完美嘅解決方案。不過，當感到無力失意時，緊記身後有班兄弟會陪你一齊捱，一齊分擔，就算彼此難免有爭拗不和，但總可以喺打鬧中和好。只要有大家在旁，團結地面對，所有煩惱都會一掃而空。
「還記著你半夜對我掏出心內話 才會拒絕 率真的微笑逐漸公式化」
未來會唔會成功我地控制唔到，但只要努力過，沿途定會留下精彩經歷，過程無悔快樂已經足夠。就讓美好回憶化為堅持嘅動力，無忘初心，繼續向目標進發，以一個個手印開創出前路，一日未放棄，一日都未係終點。
「約定最終不管走得多遠未會鬆開手離群 沿途是你 來為我 遮風當樹蔭」
MIRROR向來講兄弟情嘅團歌都非常高質，由《One and All》、《We All Are》走到《手印》，十二子嘅聲音合埋一齊係有種力量，將歌曲嘅感動直接唱進內心。
「故事最終幾多分岔跟意外也緊握手前行 誰人犯你 如犯我 好比引爆藥引」
作為由出道開始見證MIRROR高低起跌嘅樂迷，原來不經不覺，佢地已經陪伴大家渡過幾個青春盛夏，能夠走到今日絕對得來不易。
雖然佢地已經唔再係《造星》時青澀嘅小子，彼此有過不同經歷與成長，但不變嘅係身邊尚有 一班隊友。希望依班仔可以保持一腔熱誠同團魂，繼續攜手喺樂壇留低一打掌印。
最緊要係出多啲團歌！
「洪流暴烈更要在頂峰把手 留低一打掌印」
最後，祝福大家都揾到為你遮風擋雨嘅同伴，喺依個紛擾世界中好好活下去🫂
《手印》MIRROR
曲：徐浩
詞：曾樂彤
編：徐浩
監：徐浩
「故事最終幾多分岔跟意外也緊握手前行
誰人犯你 如犯我 好比引爆藥引
別容忍 握緊信念將滋擾聲封印
洪流暴烈更要在頂峰把手
留低一打掌印
憑打不死口吻
營火不會降溫
難澆熄的掌印」
▼Follow hkpopculturelover
Instagram: https://www.instagram.com/hkpopculturelover/