請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

5大檢測證明對方係「Mr. Right」 拍拖太耐覺得冇安全感|網絡熱話

有研究話情侶拍拖第四同第七年都會係最易分手。拍拖太耐好多時都會驚對方因為失去新鮮感而跟自己分手,如果想同另一半長長久久,可以睇下以下5個特點,睇吓另一半係唔係自己嘅Mr. Right啦!

5點證明拍拖對象係「Mr. Right」!

1. 拍拖時充滿安全感

兩個人相處嘅時候,對方能夠俾到安全感俾自己真係好重要㗎!例如對方會唔會背住你同異性有過份嘅交流,從而令自己可以完全相信對方。好多時有人偷睇另一半嘅手機,好多時都係出於缺乏安全感而做出呢個行為。

對方會唔會背住你同異性有過份嘅交流,從而令自己可以完全相信對方。(圖片來源:Pexels@dmitriy-ganin)

2. 對方記得你嘅大小事

拍拖嘅時候好多時都會講好多嘢,即使係重要嘢或者係廢話,另一半都會記得好清楚。小至每次拍拖約幾點,大至對方嘅生活習慣,如果你嘅另一半都可以將呢啲嘢記得好清楚,咁即係代表佢對你嘅大小事都好上心!

即使係重要嘢或者係廢話,另一半都會記得好清楚。(圖片來源:Pexels@budgeron-bach)
(圖片來源:《女神降臨 》劇照)

3. 唔介意你嘅缺點

正所謂無人完美,每個人都會有唔同缺點。如果你嘅另一半都可以包容你嘅每個缺點,咁佢一定係好愛你呀!

如果你嘅另一半都可以包容你嘅每個缺點,咁佢一定係好愛你呀。(圖片來源:Pexels@dmitriy-ganin)

4. 願意一齊進步

兩個人一齊好易有惰性,如果雙方都願意為大家嘅將來而一齊努力,遇到唔同人生大事都能夠俾到唔同意見你為你好,咁就為之一段健康嘅愛情喇!

遇到唔同人生大事都能夠俾到唔同意見你為你好。(圖片來源:Pexels@katerina-holmes)
(圖片來源:韓劇《無法抗拒的他》劇照)

5. 相處時舒服自在

相處時自在呢件事睇落好似好簡單,但實際做起上嚟真係好難!畢竟係喺自己愛嘅面前,好驚會做出一啲醜態俾對方見到。如果可以喺另一半面前可以舒舒服服咁做自己,咁就係一段好嘅關係呀!

如果可以喺另一半面前可以舒舒服服咁做自己,咁就係一段好嘅關係呀!(圖片來源:Pexels@miriam-alonso)