親子。育兒 教育放題
【專訪】香港水墨新時代展覽
水墨畫為中國千年傳統優秀文化藝術，與西方繪畫藝術的層次截然不同，一道筆觸、一團墨點、一片水跡，便能賦以自然的形態和生命，筆墨的神韻，讓抽象情感躍然紙上，是世界上獨一無二的視覺表達語境。今日請來水墨畫大師林天行同大家傾下計！
由林天行及趙志軍作為策展人嘅《香港水墨新時代》展覽，由而家至30日喺中央圖書館地下1至5號展覽館舉行，旨在推動香港當代水墨藝術，以及支持發展香港成為「中外文化藝術交流中心」。展覽現場仲有水墨藝術示範、公眾水墨體驗工作坊、以及由藝術家親自帶領嘅導賞團。
嘉賓：林天行 嘉賓：Angela Yue
Angela：而家嘅小朋友真係好幸福想學乜都有仲要係好professional添，今日Angela 請嚟有水墨大師林天行。
大家好 我係林天行，我13歲開始學畫畫由西洋畫、中國畫開始，我諗到而家應該有四十幾年，咁呢就我非常鍾意畫畫
一路堅持到今日，我覺得畫畫係非常之快樂嘅一件事。
Angela：林老師你好
你好 你好
Angela：咁知道你呢嘅作品呢就已經無數嫁啦但係如果要你揀呢一兩張你好鍾意嘅作品，你會揀邊兩張？同埋點解呢？
其實我劃咗好多畫啦，就咁多年咁呢就其實鍾意嘅畫係好多嘅，如果最新嘅話就係而家喺中央圖書館展覽緊㗎兩張畫啦，一張就係舊年劃嘅，一張就係今年劃嘅，舊今年劃嗰張呢就係都好大嘅成兩米幾嘅，咁係劃維港同埋呢個灣仔呀中環一帶，包括有太平山，海同天，咁呢就我用咗整個畫面色彩用一種橙紅色嘅色彩，即係令到一表達到香港，這種欣欣向榮嗰種薄薄生機，同埋繁榮嘅嗰種景象，有啲高樓大廈啦，好繁忙嘅海港啦，同埋好多好可愛嘅各種形狀嘅雲喺維港嗰度，即係好似旅行。
Angela：咁飄下飄下咁
係呀 係呀
Angela：咁咋外一幅呢
另外一幅呢就係今年新劃嘅，用咗更加特別嘅手法，拿讓嗰種平面嘅手法，點同線，同埋色彩表達，呢個獅子山下同埋獅子山後面後面即係大埔呢個，呢個大圍呀嗰啲沙田呀一帶囉，整個畫面都係平面嘅前景同後面一樣嘅大細㗎，即係表達咗千家萬戶嘅香港人，即係即係呢個獅子山，生長，生活，同埋呢三月份係香港最靚嘅，呢個季節呀，呢種紫荊花，花開，所以呢我表達呢個紫荊花，有好多種有紅色藍色紫色綠色，白色，有好多種，所以我呢張畫就唔同顏色嘅紫荊花盛開，即係你講緊一個，好浪漫嘅環境。
Angela：咁老師啊你話呢兩幅畫呢用咗幾耐嘅時間
呢兩張畫 其實每張畫都用咗十幾日
Angela：吓 都要十幾日呀，點解佢咁耐
我諗，應該如果嚴格講仲唔止嘅點解呢，譬如我畫呢個維港嗰張海港嗰張畫，創作之前我已經做好多功夫，例如呢我經常會喺嗰
附近，去到天台上面去望落去，去感受呢個環境，感受呢度往來所有嘅車，船呀 屋呀，風呀 雨呀，係冇數次嘅，跟住又影咗好多相，跟住經過咗一段時間醞釀之後先至開始創作，所以你創造作品呢，你又唔可以同真嘅一樣嘅，係因為我哋唔係唔係影相呀嘛
我哋要增加咗自己嘅思想，自己嘅審美，自己嘅美學時尚，同埋自己嘅嗰種元素落去，所以呢就需要呢種時間嚟醞釀。
Angela：即係研究之前一種Research，先至可以完成一幅畫
同埋最後呢你用乜嘢手法來表達，呢個都好重要
Angela：咁知道林老師除咗自己劃好多畫之外呢？你呢都會教小朋友畫畫，但係其實教小朋友呢都會幾辛苦㗎，因為呢佢哋細個啊嘛，咁有咩心得呢其實。
其實我係好鍾意創作啦，但係呢我又好鍾意教呢個，教小朋友或者大人，可能同我嘅父母呢都係教書有關係嘅，佢哋都係，佢哋係中文中學，中文老師嚟嘅，父母都係所以自幼生長呢種環境呢，成日都見到佢哋對學生嘅嗰種態度啦，學生對佢哋嘅尊敬，所以令到我都即係有呢種嘅傳承。
Angela：係一個傳承係嘛，咁有咩心得呢教佢哋嘅時候
我覺得你將你自己所學，你認為正確嘅嘢，你教育交比人，我覺得呢個係一件好開心嘅事，你哋因為有好多時呢，即係希望呢
學生都冇行歪路，因為我哋係通過咁多年嘅研究咁多年嘅，呢個探索咁希望呢就佢哋能夠順利嘅把握到，順利嘅，快嘅掌握到
我哋就劃下畫，書法呢啲。
Angela：咁你覺得呢小朋友呢學呢水墨畫呢有咩好處呢
嘩！好似太多㗎喇。好處非常之多，首先，一個人嚟到呢個世界，從古至今其實冇變過，應該係佢個心，變嘅係佢嘅思想，其他嘢都冇變。所以呢所有人都好鍾意畫畫嘅，我哋原始社會一開始就係啲岩石嗰度畫㗎喇，攞舊石頭就畫，小朋友一樣佢呢種本能，就係咁樣好鍾意畫畫嘅，咁一開始，其實幾個月一歲就開始鍾意，不斷喺度畫啲線呀轉圈啊呢啲啦呢啲就係，就係開始就好似佢嘅腦入面，因為呢個時候佢個腦係空白一片，就開始有一條線開始人生，係咁樣。咁呢到咗一歲之後就，會可能多咗兩條線咁啊三歲之後呢就更加多啲嘢啦，你會畫一個形出嚟。譬如畫一個雞蛋啦，畫一個蘋果出嚟㗎。三歲以後隨著年齡增加，知識嘅增長佢會越畫越多嘢㗎，越畫越似嘅，呢個就係一個過程。所以呢，你話有咩好處，其實通過繪畫，佢會佢嘅身體身心嘅發展會健康嘅，非常之健康因為佢，每一個人都要有一個發洩嘅渠道嘅。
Angela：係
無論開心同唔開心，都需要發洩嘅，通話呢種嘅，呢種好崇高嘅呢種嘅藝術嘅發洩係咪，呢個係非常好嘅同時呢佢會，通過繪畫
佢會加深對呢個身邊嘅事物嘅嘅關注，同埋呢個會熱愛大自然，會睇得更加多嘅嘢。
Angela：同埋可以陶冶性情啦畫畫一定可以係嘛
呢個更加唔洗講呢個，因為繪畫整身係一種，一個文化一個藝術嘅
Angela：啱啱老師都講過，你上一代呢就係中文老師，咁我知你下一代呢，你嘅仔女都其實都係從事藝術嘅創作，咁呢身為有一個爸爸
嘩！一個水墨大師，佢哋嘅壓力啊會唔會好大嘅呢？
其實我覺得小朋友呢，最緊要一個字玩！玩！要比時間佢玩！
Angela：係
畫畫！就係其中一個一項玩，而家呢就越嚟即係家長越嚟越多比小朋友學每日排滿曬所以野，當然小朋友係好好大嘅能力嘅好犀利嘅佢，你可以同時學好多嘢都得嘅，但係你一定要比佢玩。嘅態度令到佢係玩之中學到嘢，呢個先至係最重要嘅，咁樣先至令佢有興趣嘅繼續玩落去。
Angela：咁樣畫畫方面會唔會好嚴格嘅呢，對於你嘅小朋友嚟講？
唔會嚴格嘅
Angela：唔會嚴格嫁，即係畫錯左呢筆唔啱喎！應該咁畫先至有氣勢呀嘛，你會唔會咁樣話佢哋嘅呢？
畫畫係冇錯嘅！
Angela：係
即係人喺呢個社會你要遵守好多規則，係嘛，好多！但係呢畫係唔會嘅，你畫你好簡單，你將呢座山畫高啲畫低啲唔緊要㗎，唔通即係唔會犯法㗎！
Angela：係呀
雞蛋你畫到成個地球咁大都得嫁，係嘛！你話呢個呢個唔係地球係蛋嚟嫁，有咩點解唔得呢！
Angela：係 係 係
藝術，學藝術好處仲有一個增加你嘅想像力，好重要嘛，想像力好重要，如果今日嘅文明就係靠無數嘅人，想像你發明出嚟㗎嘛
係咪，如果無咗呢啲野，我哋今日仲係掛住一塊葉，係咪！
Angela：係 係係！知道老師依家有一個展覽喇，就叫做香港水墨新時代，可唔可以介紹一下個展覽呢？
買呢個展覽係近年嚟香港應該係藝壇，最大嘅聖事之下，香港水墨畫家60個老中青三代佢哋將自己最，最對代表性嘅作品
推哂出嚟呈現比大家睇，咁入面有有呢個，即係內容嚟講好豐富嘅內容，但有三水花鳥呀，呢個動物呀人物呀，同埋有傳統啲嘅有現代嘅當代嘅有裝置，其實無論點樣呢佢哋都表達到香港今時今日嘅新嘅時代嘅發展，咁藝術同時代有關係嘅唔係過去嘅
水墨畫。
Angela：好喇！咁大家如果有時間嘅話，就去支持一下，今日多謝哂林老師，多謝晒你！
《香港水墨新時代》展覽詳情
日期：即日至 6 月 29 日（星期六）
時間：上午 10 時至下午 8 時
日期：2024 年 6 月 30 日（星期日）
時間：上午 10 時至下午 4 時
地點：香港中央圖書館地下 1-5 號展覽館
門票：免費入場
策展人：林天行 先生（香港文聯常務副會長、中國美術家協會香港會員分會主席）、 趙志軍 先生（香港藝術發展局視覺藝術組主席、香港美協常務副主席）
參展畫家名單：王無邪、王秋童、天池、司徒乃鍾、伍月柳、伍汝、呂豐雅、朱興華、江立峰、 何少中、何百里、何紀嵐、余志雯、吳觀麟、李植強、李綺媚、沈平、周晉、林天行、林湖奎、 林墨子、邱榮豐、派瑞芬、胡中鷗、范欣、韋勁敏、唐錦婷、容藝文、徐子雄、益行、馬文西、 馬達為、高杏娟、區大為、張瑋、梁巨廷、許恩琦、陳成球、陳君立、陳偉、陳鏡田、麥翠影、 麥羅武、麥寶琪、黃今、黃孝逵、黃迪華、黃偉建、黃綺琪、楊國芬、靳埭強、廖仕強、廖井 梅、熊海、趙志軍、劉佳、劉素文、蔡海鷹、賴均婷、魏舍椏。
*本文章的內容若未經授權，不得轉載
留言 0