兩／三餸飯向來是基層恩物，更是打工仔的「糧尾救星」。不論是兩餸飯還是三餸飯，最重要是有得揀，而且每日菜單多變，保證「食唔厭」。這類經濟、實惠的住家飯成功冒年，令兩／三餸飯配搭愈來愈講究，更有網民悟出揀餸的最高境界。
三餸飯「可量化」？
有網民在「香港兩餸飯關注組」發文，表示「每次買三餸飯都係一個挑戰」，形容過程中將人生歷練全部發揮出來。原因是日常買三餸飯，店員都會催促食客盡快揀餸，背後原因是店員頂要好好控制住每盒飯的餸菜份量。
該名網民分享揀餸秘訣，更將三餸飯的餸菜分為「可量化」和「不可量化」。根據網民經驗，「不可量化」的餸菜即每次份量都會不同，沒有既定標準，例如蕃茄炒蛋、粟米魚柳、蒸排骨、咕嚕肉等。過程中，食客沒有可能數到份量，「你都永遠唔會知道今次係蕃茄多定係蛋多」。
至於「可量化」的飯餸則是雞搥、雞翼、豆腐蒸魚、蒸肉餅等，每次揀餸時都會有指定份量和數目，店員會「因為主觀因素而減少應有的份量」。
三餸飯揀餸攻略
網民提醒，在一般情況下，三餸飯的「第三個餸」份量通常會偏少，原因是首兩個餸菜連白飯已佔去大半個飯盒。因此，假如食客揀選的第三個餸是「不可量化」類別（即蕃茄炒蛋、粟米魚柳、蒸排骨、咕嚕肉等），份量自然會大打折扣。
帖文又分享落單實戰技巧，例如甫開始「可以聲稱要兩餸飯」，而且要選擇「不可量化」的餸菜，直至兩款餸塞滿飯盒後，「你先同佢講『啊！我都係要多個餸啦』」，這時就應該揀選「可量化」餸菜（即雞翼、蒸魚、蒸肉餅等）。
這種策略是防止店員不能因首兩款餸菜份量太多，從而減少第三個餸份量的機會，令店員「硬食」畀足第三個餸的份量。
到最後，網民再三叮囑，「一定要記得，你要喺好大程度上畀佢知道你只係食兩款餸」，甚至「連自己都呃埋咁滯」，然後在適當時機突破心理關口，即場改口轉「三餸」。特別是在平日午飯繁忙時間，食客大排長龍之際，店員會對你突然更改要求不知所措，成功「塞爆」當日的三餸飯。
網民：我覺得同顏值掛鉤！
- 理論係無錯，不過執著呢少少輸贏。
- 食三餸飯都要量化寬鬆？
- 不如收鋪先去或者平時執餸尾直接多啲份量。
- 其實我都幾討厭塞到爆哂個盒，所以第一時間就要少飯！
- 我就覺得多少唔太重要，最緊要揀啱啱出嘅餸，熱辣辣先係好食重點
- 我嘅座右銘只有一個:：一餐唔好叫兩種汁多嘅餸
- 如果唔係咁做，有時啲阿姐比好少餸我，我食唔飽啊
- 三個都叫哂肉餅囉
- 下次老闆收左錢，先到揀餸！
收緊防疫短期影響餐飲行業
中原工商舖商舖部董事黃偉基表示，事隔多月政府再度收緊一系列防疫措施，其中與商舖市場關聯最大的為禁止食肆6點後堂食安排。有關措施對短期餐飲行業必定會有影響，但香港人適應力強勁，加上晚市禁堂食措施亦有應對經驗，相信影響會慢慢放緩，將會逐步回復正常。
該行維持早前對2022年商舖租賃市況所作出預測，預料全年租務成交宗數會有約5,500宗水平，按年升幅約10%；面對今次收緊防疫措施，預期只會有短期影響，長遠全年舖位租賃市場走勢仍然樂觀。
市場普遍認為，商舖市場已步入復甦階段，料租金會持平慢慢上揚，加上政府再次強調爭取中港通關工作持續進行中，經濟市道中長線而言走勢正面，相信今次收緊防疫措施安排長遠未必會大幅影響商戶租舖信心。
美股、加密貨幣成新趨勢，想了解但無從入手﹖港股又點做先可以趨吉避凶﹖經一全新推出patreon訂閱號【經一共肥計劃】，訪問業內專家獨家俾料，提供深入淺出分析；影片、專欄、文字報道各適其適。而家有早鳥優惠，每月10美元，點擊連結，就可以早訂早享受﹗
【共肥不自肥，賺錢預埋你﹗】
patreon訂閱號【經一共肥計劃】
https://www.patreon.com/EDfattogether?fan_landing=true
