Ray Online｜立法會代表團將前往日本考察　會到訪當地國會及豐洲市場

立法會大會已經放緊聖誕假，出年先復會，部分議員就把握假期機會外訪。立法會代表團星期六去日本，展開4日嘅職務考察，期間會拜訪當地國會等等。

立法會代表團將到訪當地國會

由立法會主席梁君彥，率領7個立法會議會聯絡小組委員會委員去日本考察，包括張宇人、林健鋒、李梓敬、林琳、陳穎欣、鄧飛同嚴剛。日本係《區域全面經濟伙伴關係協定》成員國，亦係香港重要嘅貿易夥伴。立法會代表團將到訪當地國會、經濟產業省、農林水產省、外務省、豐洲市場、食物博物館、橫濱中華街同市集，同政府部門、機構以及企業加強聯繫，深入了解當地喺貿易、文化旅遊、漁農業同食物安全等嘅最新情況以及機遇。另外，代表團仲會同中國駐日本大使會面交流。