😆前嗰排喺Instagram成日都見到啲人都係呢間餐廳打卡，同埋睇返OpenRice，呢間餐廳嘅點擊率都好高。所以就bookmark左呢一間餐廳，但一直都冇過去試🤣，我地幾個人今次就特登喺附近睇完戲之後夜晚就去排隊食呢間新沙洞澡堂
佢哋呢間主打食韓國部隊鍋，韓國小食同埋牛角包窩夫。另外一樣好出名嘅就係佢哋嘅裝修，好似韓國嘅澡堂咁，佢哋澡堂嘅位置仲有枱可以坐🤣但我就唔敢咁open啦
👍🏻二人餐 $458
🍲韓式芝士牛肉部隊鍋
呢個部隊鍋入邊有嘅材料好豐富😍，佢仲即場上左個爐俾你慢慢煮熟啲嘢，擺盤都好靚。材料方面，有牛肉片，午餐肉火腿腸，茄汁豆，茼蒿菜，泡菜，辛辣麵，雞蛋，年糕，金針菇同埋芝士。佢湯底嘅味道都好濃郁唔係剩係得辛辣麵嘅味道。辣度方面，只係小辣😆。分量方面，都唔少。咁多材料入邊，我最鍾意係泡菜同埋年糕腸仔串，仲有午餐肉。年糕好彈牙，腸仔串唔係我哋平時食嘅腸咁，而係有啲火腿嘅口感，同樣午餐肉冇俾我哋平時食嗰啲咁鹹，反而有火腿嘅香味。
😍😍✨法式焦糖燉蛋牛角包窩夫 $58
佢哋仲有唔少甜品嘅選擇，呢款真係必食推介。我一開始糾結緊應該要叫Tiramisù 定係焦糖燉蛋好，但最後都係揀咗呢款。果然無揀錯！首先佢外面嘅焦糖脆，真係燒到好脆卜卜。配上佢下面嗰層好creamy 嘅燉蛋醬，濃郁得來又唔會太甜，真係啱啱好。牛角包窩夫都保持到微脆嘅狀態，認真推介😍😍😆
😚💕招牌炸物拼盤細份
跟餐仲有一盤炸物拼盤，雖然佢係細份，但係一啲都唔細😂😂，每件炸物都好大舊。首先有烤焗年糕腸仔串，佢嘅味道甜甜地鹹鹹地，比起部隊鍋入邊嘅年糕腸仔串又有唔同嘅感覺，我自己就更加鍾意呢一款。仲有炸番薯，炸流心年糕，炸餃子，同埋紫菜粉絲卷。呢款其實基本上我每一樣都好鍾意，例如紫菜粉絲卷外脆內裏口感豐富，炸流心年糕就味道有少少難形容，佢嘅內餡又好惹味。佢仲配左辣辣地嘅蜜糖芥末醬可以點，味道就更加正啦😚😚😚
🥚麻藥雞蛋
跟餐仲有一碟麻藥雞蛋，醬汁係餐廳特製嘅醬汁，唔知點解都幾嘢味，但佢嘅味道有啲複雜🤣實在唔識形容。蛋黃係流心嘅👍🏻
🥡雪嶽山
士多啤梨香橙梳打
跟餐就送咗兩杯飲品，兩杯嘅造型都係好靚，好適合打卡，另外都要講吓呢杯選玉山，原來佢嘅味道係類似益力多梳打咁樣，好開胃，好解渴🤤
🥃藍柑橘白桃梳打 $48
我哋另外又嗌多杯飲品，呢杯又係好適合打卡，味道唔會太甜
🌸櫻花水冷麵 $88
呢排佢哋推出緊櫻花系列，我哋幾個驚唔夠食，所以嗌多咗個冷麵試吓。冷麵上到枱，我哋發現有幾粒有櫻花嘅冰粒，好得意。味道方面好清涼，怪唔之得韓國人咁鍾意食烤肉嘅時候叫一個水冷麵啦格。麵條方面好彈牙，食之前可以加醋同埋間黃芥末，就更加有風味啦。記得要剪斷啲面先會比較易夾。
📍新沙洞澡堂 (長沙灣)
長沙灣福榮街506-510號榮發閣地下A1號舖
▼ Follow we2log
Instagram：https://www.instagram.com/we2log/
留言 0