速剪｜港男怒斥速剪髮型屋：去得嘅都係社會最底層！網民大反擊！

速剪｜香港物價通漲，唔少人就連去剪個頭髮都要左諗右諗，所以「10分鐘速剪髮型屋」就因為平價、剪得快又多分店，成為近年潮流趨勢。不過日前就有港男網上發文，怒斥速剪髮型屋垃圾，更直言：去得嘅都係社會最底層渣滓！到底一眾網民又點睇呢？即刻睇睇！

撰文：海月 ｜圖片：LIHKG｜編輯：odin

速剪｜港男怒斥速剪髮型屋垃圾

香港物價通漲，唔少人就連去剪個頭髮都要左諗右諗，所10分鐘速剪髮型屋」因為平價、剪得快又多分店，成為近年潮流趨勢。不過日前就有港男於連登出POST，怒轟速剪髮型屋垃圾，認為「去幾十蚊單剪嘅人根本放棄咗自己」，而去嘅人都係「社會最底層渣滓！」。

港男更批評去速剪髮型屋的人大多都是「不懂得打扮的港男」，結果「令男人唯一扮靚的機會都放棄」。不過唔少網民就跟港男持相反意見，認為有唔少速剪髮型屋其實剪得不錯，甚至比一般貴價Salon質素更好，所以不能夠一下就否定速剪髮型屋。

有網民認為速剪髮型屋跟一般髮型屋定位不同，髮型屋基本上是「大剪」用，而速剪髮型屋則可以要求師傅略略修剪，令髮型維持得更加久。不過港男就反駁「要有要求」，每個月至少應該用幾百蚊前往比較好髮型屋剪髮，更表示起碼剪完會「似個人咁出嚟」。

而不少網民都落力反駁，認為價錢並不重要，最重要都是「Your Face，Your Fate」，最後都係要睇樣。