Image Source : unsplash
文／劉嘉盛
香港新冠肺炎(COVID-19)疫情反覆不定，消費者原有嘅消費習慣亦出現改變，市民都避免接觸現金感染病毒、或因限聚令等抗疫措施無法出門消費，都因而帶動非現金支付或電子支付業務增長。根據香港金管局統計數字，2020年上半年(2020/01/01~2020/06/30)信用卡消費額比去年同期(2019/01/01~2019/06/30)減少18%；而電子錢包消費額則較去年同期增加7%，顯示出港人電子支付習慣逐漸由信用卡轉變為電子錢包！
優惠越多網路能見度越高 接受多元支付方式成賣點
統計2020年上半年網路上關於電子錢包嘅熱度，「優惠」喺最熱門嘅關鍵字，唔少電子錢包會推出消費回贈、折扣券等等嘅優惠，吸引消費者嘗試改變佢哋固有嘅支付方式。另外，由於目前支付方式及電子錢包眾多，網路銷售文章裡面都必須列明會接受邊一種支付方式同埋銀行戶口、電話號碼等。因此「接受」、「公司」、「電話」等等字眼都有上榜。
Image Source : 2020【無現金社會】電子錢包香港市場大數據研究報告
折扣優惠、方便快捷、用嚟P2P過數，係令港人轉變支付習慣嘅關鍵
港人都中意逐間格價，經常討論「邊間銀行信用卡最優惠」。而「用於P2P交易」、「交易過程便捷」呢兩項電子錢包嘅特色都為日常生活帶嚟方便，亦特別適合港人急速嘅生活節奏。然而，「交易安全」、「習慣現有支付方式」仍然係電子錢包發展嘅一大阻力。尤其喺歷經運動之後，港人對於個資保密方面更加敏感；而生活上依賴八達通或者習慣用現金俾錢亦都不利電子錢包嘅發展。
Image Source : 2020【無現金社會】電子錢包香港市場大數據研究報告
3個品牌佔據2020年上半年9成熱度，合力推動香港電子金融發展！
透過2020年上半年各個品牌網路熱度同市佔率嘅關係圖，可以將電子錢包市場劃分為3大類：(I) 香港電子金融發展主力、(II) 通訊軟件官方錢包 、(III) 電子錢包市場追隨者。3類品牌各自擁有唔同嘅市場策略。而本篇報告將會深入探討第(I)類嘅3個品牌，佢哋各自深耕品牌力，持續發展唔同新功能及推廣活動，在2020年上半年合力製造超過4.5萬筆網路熱度，佔全部電子錢包相關總熱度達9成。
Image Source : 2020【無現金社會】電子錢包香港市場大數據研究報告
Apple Pay結合八達通服務終推出，隨即引爆網路討論
TOP5熱門文章同樣係關於第(I)類當中呢3個唔同品牌嘅帖文，當中討論最熱烈嘅係關於Apple Pay結合八達通嘅事件，雙方合作傳聞已久，而服務終於喺6月2號正式推出。報告後續亦有分別歸納出其他品牌喺2020年上半年發生嘅重大事件，以及佢哋嘅網路輿情趨勢同變化。
Image Source : 2020【無現金社會】電子錢包香港市場大數據研究報告
完整報告免費下載：《2020【無現金社會】電子錢包香港市場大數據研究報告》
完整產業社群深度報告免費下載
分析說明
分析區間：本文分析時間範圍為2020年1月1日至2020年6月30日。
研究方法：
《KEYPO大數據關鍵引擎》系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『電子錢包』相關文本進行分析，調查「網路熱度」(註1)、「熱門關鍵字」(註2)作為本分析依據。。
*註1 網路熱度：透過『KEYPO大數據關鍵引擎』，計算社群討論及新聞報導提及的文章則數，聲量越高代表討論越熱，能見度越高。
*註2 熱門關鍵字：透過『KEYPO大數據關鍵引擎』，萃取網路上的文章與主題共同出現的關鍵熱詞；次數越多，字詞越大；可用來釐清核心議題與重點人事物。
留言 0