【童顏變老】藝人轉玩變老app 個個七老八十你認得邊個？

Snapchat童顏特效濾鏡早前在網上非常流行，不少藝人都紛紛下載該APP玩變臉，重拾cute爆小朋友樣。近日卻出現了另一股變老風潮，同樣「驚動」娛樂圈，多位藝人們「忍唔住」大玩特玩，用手機變臉，個個變哂七老八十老人家，做銀髮族，包括黃翠如、洪永城、陳偉霆、張繼聰、森美、姜濤、林奕匡、洪卓立、江若琳、老公蕭潤邦等，連新婚的林師傑和老婆歐陽巧瑩等都玩埋一份！他們都話要帶來一個訊息，就是活到老、做到老、唱到老！
森美今日主持電台節目時，還將阮小儀和其他拍檔一齊「變老」的相，在IG分享，更留言：「早霸王，做到老，做到殘。」；森美就表示：「唔係個個都有咁嘅福份見到自己個樣老，所以不要怕老態，能到老，幸福到老。」在內地人氣高企的陳偉霆發布自己的老人照後，留言問粉絲：「還愛？」他的粉絲一致表示：「愛！」
張繼聰發布自己一張做GYM的年輕相和老人相，話自己：「有心有力。」，引得網民大笑。人氣靚仔姜濤，發相後表示「人老了心不老，眼睛𥚃面是夢想！#退休 #指日可待」。
洪卓立和林奕匡均表示，希望將來老了也可繼續唱歌為大家表演。黃翠如搞笑地對洪永城說：「都一把年紀啦，真係仲要再合作互相虐待？諗清楚先啦。」
另外，林師傑post了與太太的婚照，冧爆說：「30年後再娶多老婆歐陽巧瑩一次。」；江若琳看見老公蕭潤邦的老人照，大讚「老了仍幾有型！」。