ViuTV抽水連登仔起哄 元祖《美女廚房》主持 + 杜汶澤有得諗？

事源2月7日鄭中基演唱會請來梁漢文、方力申上台重組《美女廚房》元祖主持陣，講到再做「美男廚房」，好快超多粉絲都充滿幻想，加上一句：「唔一定TVB，o依家仲有ViuTV嘛。」於是ViuTV都出片抽一抽水，話美女同廚房都已經準備好，叫暴龍哥鄭中基來「玩一轉」。連登仔緊接出post，提議加上杜汶澤做主持，再來改埋新節目名之餘，還說《美女廚房》其實最重要有佢……

連登仔開post，先有人叫杜汶澤一齊做主持，有人正評有人負評，話阿澤做綜藝爭嘢講係咪霸，亦有人話只要鄭中基加杜汶澤一齊就會有火花實好笑。不過最多人「關注」的一個留言，就係：「Viutv折墮到要抄tvb節目？搵鄭中基拍都唔會好笑得過原版阿bob佢地架啦。」未知曲定直，但截稿時已經引來接近6千負評，有連登仔話未見過回覆都可以咁多負評。有人留言話：「以前啲師奶就識森美，o依家就識阿Bob。」「如果搵花姐(《全民造星》監製)監製就正啦！」「有杜汶澤會唔會狂X電磁爐？」

之後就開始提議找哪位美女，當中包括有在ViuTV做節目的Kathy、楊偲泳Renci Yeung、Renee Li李蔓瑩、林婷等等，不過網民話最重要其實一定要有周中師傅先夠經典。再之後輪到改名，包括：廚房美女、美少女廚房、靚女廚房、美女徐晃(徐晃係三國人物)、食女廚房等等……