日本奈良一名小三女生疑因為遭同學欺凌，透過書信向班主任表示「我希望自己不再存在」，老師在信上作出一句回應，看似無心的舉動卻牽動家長及教育界的神經，引起極大迴響。
2021年起，當時就讀小三的女童持續遭受同班一名男同學的欺凌，於去年2月更被對方踢傷，傷勢約一周才完全復原，家長前往學校詢問卻遭到冷處理，校方甚至曾表達他們不是警察，所以無法進行調查。直到去年11月家長再三要求下學校才進行調查，並陸續發現有12宗牽涉女童在內的欺凌事件。 去年6月，該名女童在與班主任每天交流的筆記中，寫下「要是我不存在就好了」、「我死了最好」等明顯帶有輕生傾向的字句，但老師批改時卻回覆「You can do it!!」、「加油！！」等字句，乍看不但起不了鼓勵作用，更讓人感到愕然。隨後老師雖解釋自己是「帶着鼓勵的心情寫下這些話的」，但女童母親仍非常憤怒，亦認為當初若校方沒有冷處理此事，或許女兒早就能恢復正常的上學環境，而非無助到如此地步。
據報導指，女童母親將此事通報奈良市的教育部門，奈良教育部門亦為事件道歉。奈良市長就此表示，學校這樣的應對非常不適當，並預計將在本月內公布此案調查結果。
*Follow us on:
‧ Facebook: 黃巴士親子天地
‧ Instagram: Yellowbus.com.hk
‧ Website: www.yellowbus.com.hk/
留言 1
N
好多老師心態係打份工，以局外人黎睇件事；覺得小朋友應該自己解決，亦知道如果插手會好麻煩，所以會冷眼旁觀⋯
欺凌者通常好惡，老師亦會怕，因為欺凌者可以帶動全班人唔理老師，咁樣老師係上唔到堂，更甚者會集體欺凌老師，呢啲時候校長唔會幫老師，只會認為老師能力不足，被炒嘅人就係老師，所以老師好多時都會選擇扮見唔到欺凌問題；即使直接上報校長，校長亦只會叫你自己解決，一定唔會踢個欺凌者出校；有咁惡霸嘅小朋友，當然就有咁惡霸嘅父母，校長一樣會怕左欺凌者嘅父母，呢個亦係問題所在；呢啲父母可能會靠傳媒或教育部門去搵學校麻煩，校長最怕就係要處理呢啲，因為要同校董們交代，校董們只會著重校譽有冇受損，其他野唔會理；所以有事最好就係臭屎密冚！總之無人死就算⋯小朋友心理健康？學校先唔得閒理，佢哋要成績，要學校排名！
所以我成日都話，遇上小朋友欺凌，如果小朋友頂唔順，咁就轉校！！轉去校風比較純樸嘅學校，好過喺原本間學校諗住攞返個公道，留多一日只會多一日痛苦⋯
#我做補習老師都見過小型欺凌
#做過就明
#當老師無權踢欺凌者走你就變得一啲用都冇
#鬧佢無用又唔打得又唔罰得你話對欺凌者而言有咩用？？
#只可分散佢哋注意力
01月04日12:35
顯示全部