銅鑼灣私家車闖行人路「與人同行」　網民 : 目中無人目無法紀

銅鑼灣鬧市有私家車闖人潮如鯽的行人路「慢駛」！昨日(9日)晚網上流傳兩條影片，片中見一輛深色私家車，在時代廣場對開的羅素街行人路上緩慢行駛，私家車旁均有市民與車身擦身而過，期間有人怒啤司機；片中有途人稱「即刻可以告佢呀！」、「咁搞笑？」。私家車其後駛入波斯富街左轉往利舞臺方向。另一段影片則見私家車轉入波斯富街後，已被警員截停。

網民睇片後均指摘司機罔顧途人安危「危險駕駛，直接勾車」、「呢d唔收左(咗)佢個牌 只會為害人間」、「目中無人目無法紀」，另有人問司機「Hi咗？」、「係咪拍戲，定係入左第二個維度？」。

執法部門表示事件發生於上月30日晚上7時06分，一名女途人報案，指一輛私家車駛上羅素街行人路西行，再轉入波斯富街，剛巧在附近執勤的警員迅即趕至，在場截停涉事私家車，並登記司機資料，再就事件展開調查。

東網網站 : https://on.cc/東網Facebook專頁 : https://www.facebook.com/onccnews/