袁文傑體驗做貓義工　周志康學整寵物陶瓷

藝人周志康與袁文傑擔任無綫節目《寵你一世》最新一集的嘉賓，袁文傑去到有「港版貓島」之稱的大澳，體驗做貓義工幫助流浪貓，至於周志康則帶同愛貓Smoky跟主持人陳懿德學整寵物陶瓷及人寵印紋首飾。

「新任鏟屎官」周志康與Smoky整寵物陶瓷時，搞笑上演「人貓情未了」，畫面可愛。Smoky是緬因貓，周志康指太太與兩位女兒非常鍾情緬因貓，並笑言養Smoky的原因竟源自於一場夫妻之爭：「原本我同太太嗌交個主題完全唔關貓事，只係佢最後個結論係：『我咁嬲我買隻貓返嚟啊！』」相當爆笑！陳懿德節目大爆周志康對貓毛有敏感，但周志康笑言值得：「我甘願為Smoky流鼻水。」他又指自己曾經養過兔仔，並謂兔仔離世時感到「晴天霹靂」：「每一次發夢見到兔仔，我都會喊醒。」未知是否心靈感應，Smoky 聽到周永康提及傷心往事時，即懂性地用腳搭住周志康，周志康坦言感激Smoky陪伴：「每次我好攰時，佢永遠都會喺門口度等我。」

至於袁文傑則首度體驗幫有屙嘔徵狀及腎病的流浪貓打「皮下水針」補充水分，袁文傑感嘆：「拮入皮下嗰一刻，好需要勇氣。」並謂希望學會這個技能後、可以幫助更加多流浪貓。袁文傑又與義工蘭姐幫手餵流浪貓，經過了一整天的貓義工體驗，袁文傑感嘆：「流浪貓冇得選擇，去到生命另一重意義呢，就係佢哋頑強地去生存。」

東網網站 : https://on.cc/東網Facebook專頁 : https://www.facebook.com/onccnews/