陳展鵬曾以為60歲時仍單身 感激單文柔給自己一個家

陳展鵬日前接受新城《Ben同Benson『Chur』到行》節目錄音訪問，談及太太單文柔（Phoebe）與6歲女兒陳諾瑤（小豬比）即滔滔不絕，獲主持兼鄰居李有毅（Ben）稱讚「有運動員嘅骨，演員嘅魂，伴侶嘅愛，父親嘅心」 。

展鵬小時候因興趣而自學乒乓球，2歲開始參加區際比賽，並獲教練推薦加入體育學院，5年後更入選香港代表隊。他表示︰「我中一至中五去咗青年軍，中五時開始見嘅世界大咗，尤其係面對我哋嘅國家隊，係冇得打，差好遠。大家訓練水平唔同，但都開心嘅，運動可以培養我輸得起，過程有好大磨練同挑戰，我有金句就係『輸到唔怕輸時，你就有機會贏』。」展鵬知道自己的不足，如繼續訓練就要離鄉別井，前往內地或其他地方深造，因此決定放棄打乒乓球重返校園，中學畢業後便加入娛樂圈，後來更登上視帝寶座。

李有毅在節目中透露展鵬與Phoebe經常在屋苑附近踏單車，十分浪漫。展鵬談及夫婦相處時說︰「大家都知Phoebe係參選港姐，之後就被我私有化。好開心呢段時間識咗太太，畀咗我另外一個階段。我曾經以為自己可能50、60歲都會仲係單身，或者只係拍吓拖，所以現階段好開心，仲有埋小朋友。」李有毅讚展鵬是好丈夫，教太太打高爾夫球時十分溫柔及有耐性。展鵬說：「因為打高爾夫球好易受傷，受咗傷就乜都玩唔到，仲會影響到生活。」

談到女兒時，展鵬最希望她似媽咪︰「通常女都會似爸爸，尤其係性格，我最驚個女似我唔好嘅性格，好想佢似媽咪。」展鵬和Phoebe常在愛女面前說「I Love You」，他笑言：「未識太太之前好少講，通常拍戲先講，依家就將呢句掛喺嘴邊。佢好感染到我，希望阿女都感染到。」

（即時娛樂）