利物浦早早打少一個，竟然最後奇情反勝紐卡素🔥
利物浦作客嚟到聖占士公園，今日排出4-3-3陣式，中場由麥亞里士打、蘇保斯禮同遠藤航統領中場，激戰紐卡素雙核嘅東拿利、般奴古馬雷斯同Box-to-Box嘅祖亞寧頓🏰
上半場一開波兩隊不斷嘗試以逼搶戰術製造攻門，但係威脅性不大，直到25分鐘阿諾後場接應回傳時一個失誤，被安東尼哥頓𣊬間偷到單刀射破龍門，紐卡素瞬間領先一比零🥹然而利物浦壞事接二連三，28分鐘安東尼哥頓推過半場拐入中路，直線前傳比中鋒伊薩克(Alexander Isak)，伊薩克攝贏身位但雲迪克魯莽出腳攔截，結果最後一位防守球員侵犯對方，被判紅牌驅逐離場🥲
未到30分鐘嘅紅軍踢少一個換走迪亞斯，換入祖高美斯保持四人防線，但上半場尾段基本上係捱打。下半場兩隊繼續維持攻守形勢。
然而久攻不下，必有損失，77分鐘利物浦放手一搏，以艾利諾同蘇保斯禮打雙中場，並以紐尼斯作中鋒打突擊，結果4分鐘後就有成果，81分鐘一次突擊，紐卡素左中堅博文同樣接應回傳失誤，皮球先撞屁股再後腳一tick，紐尼斯舒服地偷走皮球單刀射入追平。
不甘被追平嘅紐卡素企圖壓前爭勝，但反而被紐尼斯再打一次反擊，沙拿一個直線比到紐尼斯，壓過替補中堅丹般恩射入，個人梅開二度成功拯救利物浦，最終利物浦10人應戰下反勝紐卡素，係聖占士公園全身而退🙌🏻
▼Follow 足球港場
Instagram: https://www.instagram.com/footballarena_hk/
留言 0