【LINE你睇】日餐廳「鮨」讀音掀爭論 讀「芝」會被嘲？

香港不少日式餐廳店名都有用「鮨」這個字，看起來似乎能令餐廳高級一點，但港人真的認識「鮨」這個字嗎？到底「鮨」字應怎麼讀？近日就有網民在「香港壽司刺身關注組」Facebook群組開post教人「鮨」的正確讀音，掀起一番爭論。

該網民開帖發問：「點解咁多人讀個鮨都讀咗個G字，正確發音係藝」語氣充滿嘲諷不屑。

不過該帖並無獲得谷友感謝指導，發佈不久更惹來留言反嘲指「此Post必火」，至今二百多個留言，大部份都嘲笑樓主「懶醒」、「識少少扮代表」、「教錯人」，更說「戥佢尷尬」。

亦有人誠心討論說出疑難：「我以前讀『奇』，人哋話係讀『之』，而家樓主話讀『藝』，媽我好亂呀」。有谷友最終翻查網上漢語多功能字庫，指出「鮨」有4個讀音，分別為：奇、藝、芝、子，更建議如果執著要讀正確讀音的話，應讀日文發音，「鮨呢個字係すし嘅漢字，讀音即係Sushi」，在日文裡是「壽司」的意思，精準回答獲得近200個讚好。

圖片來源：Facebook

【LINE你睇】每日精選網絡熱話，源源送上新鮮事，LINE你睇唔驚冇話題。