內地家長：男孩身高唔夠180cm等於二等傷殘 逼小朋友們打$5萬生長激素

孩子嘅身高成為近來內地人氣話題，話說內地家長認為男孩高度若然唔夠180cm就等於「二等傷殘」，未來會相當蝕底，無論職場及婚姻都會受限制……佢地話寧願男孩生得唔夠靚仔都唔可以生得唔夠高。而呢班家長為求要為孩子增高，更開始逼佢地打生長激素，情況相當誇張！

撰文：Janet｜圖片來源：Instagram、《精裝追女仔》電影截圖、《BB來了》劇照、《親親我好媽》劇照

內地家長：男孩身高唔夠180cm等於二等傷殘

眼見內地家長為求逼男孩增高，有內地醫院見有利可圖，立刻推出「小兒生長發育門診」，推出一種名為生長激素配方藥，屬於肽類激素一種，希望短期有效就需要每日打針，一年收費約人民幣五萬元，而渴望攻效更強嘅更有索價十幾萬嘅配方藥服務。聽落價錢好貴？唔少家長為求兒子身高超過180cm，不惜一切代價都要幫佢地兒子打呀。

男孩打針後，雖然真係會長高，但呢種藥物始終係激素，打得多會影響正常發育，當然重有其他副作用，不過內地一眾怪獸家長卻視而不見。筆者認為始終睇一個男仔叻唔叻並唔係單純靠高度，最緊要有學歷、修養、有文化等，就算俾你有180cm高，但冇內涵嘅話，講乜都冇用，唔知內地呢股增高風氣幾時先停呢……

同場加映

賣「屁」月入超過$35萬！ 美國女演員Stephanie Matto創出另類商機