姜濤、盧瀚霆（Anson Lo）呂爵安（Edan）今日（1月15日）現身尖沙咀海港城出席眼鏡品牌活動。工作人員預早開放三個專屬粉絲區，但疑有多名盧瀚霆粉絲（神徒）霸佔姜濤粉絲（姜濤）的最前兩行。工作人員見狀後報警，警方到場後要求這批疑似神徒交出身份證，並把部分粉絲帶走。
網上流傳多條於現場拍攝的影片，當中包括疑似多名神徒出現在姜糖區被認出，有姜糖大罵「人哋分埋區都仲要坐我哋嗰區」、「真係落Anson Lo嘅面」、「為咗個位唔認主」、「做壞晒」、「派姜濤牌佢哋舉啦」……
另外有一條警察查疑似神徒身份證及帶走的片段，片中警員向他們要求「攞身分證出嚟」，其中有人表示身分證不在身，警員表示「公眾地方冇帶身分證，依家拉你」、「過嚟，呢個拉」、「冇身分證帶返差館」……
之後有部分姜糖起鬨，警員說道：「唔好嘈，唔關事嗰啲唔好嘈」……「後面仲有邊啲，唔係阿姜嘅，走入阿姜範圍嗰啲，自動自覺呀！」期間警員逐一收起非姜糖的身分證，並示意已交出身分證的人站出去。