BTS美國演唱會Halsey High爆捧場 Jimin同恩妃 叡仁傳緋聞得啖笑
正在美國的BTS (防彈少年團)剛舉行完第三場演唱會，得到19年曾合作《Boy With Luv》的Halsey捧場，呢位新任媽媽拎住ARMY Bomb喺觀眾席睇得好投入，全程企仲不斷揮動應援棒，七子介紹佢時全場歌迷歡呼，Halsey不斷飛吻同彈仔打招呼，完場時更入埋後台同七位老友影合照，唔知Halsey有冇畀囝囝相佢哋睇呢?另外，喺美國玩得好開心嘅Jimin傳出緋聞，有指佢喺美國約會兩名女團成員，分別係IZ*ONE的權恩妃和Lovelyz的鄭叡仁（Yein）。話說兩女分別被發現之前去咗美國，又同時在社交網上載日落照片，而照片背景跟Jimin在社交網發佈嘅差唔多，Yein更被指與Jimin有同款戒指，疑似是情侶戒，因而覺得兩人有景轟。其實Jimin當晚跟隊友JK及V同行，而所謂嘅背景雲好相似，只係有人將Jimin的相片裁細咗，原相嘅雲好闊，跟兩女嘅背景完全唔同。