MIRROR騷︱登入時間影響搶飛　鏡粉買飛有攻略

爆紅男團MIRROR嘅7月紅館騷今日（31日）以實名制形式經Urbtix城市售票網公開發售，一票難求，為咗應對今次緊急「搶飛」狀態，城市售票網已有3大特別安排，包括於開售前已登入者將未能進入購買頁面，即今日10點前已登入將失效；開售後系統將自動為等候進入購票程序的顧客嘗試再次登入功能；當演唱會門票尚餘少於2,000張時，系統則會停止提供自動嘗試再次登入功能。主辦單位大國文化早前亦公布購票詳情，列明每人每次只限購買最多兩張門票。

面對龐大「鏡粉（MIRROR粉絲暱稱）」登入數量，為免網站死Server，城市售票網已專登開設MIRROR騷按鈕及其他節目買飛鍵，為搶飛做定引流，不過都依然難以登入買飛，而網站亦表示系統運作正常，睇嚟今次新措施鏡粉唔可以盲搶。

東網網站 : https://on.cc/東網Facebook專頁 : https://www.facebook.com/onccnews/