闊別2年，今日首個香港去日本嘅旅行團已經出發…略嫌回港要隔離麻煩，只好繼續食住日本嘢，止止旅遊癮！😂
既然要食，當然要食得最尖！近來，小編發掘到一間唔錯、新開嘅廚師發辦店，那就是位於銅鑼灣嘅極鮨！由於試業關係，晚市做緊第二位半價，換言之，即係人均1K鬆啲就食到超豪華嘅Omakase！當然孖實我嘅鐵腳Timbee食好西！
現時，極鮨提供兩款晚市套餐，分別有「幸」HK$1380 及「匠」HK$1680，而我今次試嘅「匠」，則包括前菜（三款）、刺身（六款）、磯煮、壽司（六款）、季節和食、湯，以及甜品，菜品繁多，仿佛將日本時令嘅夏季食材盡收入口！開心！😝✨
\前菜/
✦ 魚子醬牛油果渡蟹 🍴4/5
✦ 水母刺身 🍴3.5/5
✦ 唐揚池魚仔 🍴3/5
只係前菜都令我驚喜，因為份量相當大！店家非常大方！牛油果魚肉他他成日食，但店家將魚肉換上渡蟹肉，牛油果嘅香糯，更突出蟹肉嘅鮮甜，加上魚子醬及三文魚籽，口感豐富！水母刺身爽口彈牙，伴味噌汁，好開胃。唐揚池魚仔則有8條，香口，中心有微苦，不過一口氣食晒有啲油膩。
\刺身/
✦ 目仁奈薄切 🍴3.5/5
✦ 鮫鰈魚三食 🍴3.8/5
✦ 沙甸魚卷 🍴3/5
✦ 北海道仙鳳趾蠔 🍴4/5
✦ 北寄貝刺身 🍴4/5
✦ 車厘子木煙燻深海池魚 🍴3.8/5
一份有5片嘅沖繩縣產目仁奈薄切，質地煙韌，魚肉味偏淡，伴柚子醋汁更佳！來自北海道嘅鮫鰈魚刺身，質感較滑，被師傅製作成三食，分別將鮫鰈魚刺身，加上炙燒鮫鰈魚魚邊、芽蔥及海瞻同食，同時嘗到甘香、微辛及濃郁三重滋味。師傅細心將沙甸魚肉、蔥及黃蘿蔔卷入紫菜，食上口肥美甘香，蔥及黃蘿蔔同時有助去腥。北海道仙鳳趾蠔超肥美，Creamy得嚟蠔裙邊爽脆，與紫蘇花及高湯Jelly同食，大滿足！鮮北寄貝分刺身及火炙裙邊兩part，膠質重，正！車厘子木煙，為深海池魚帶來甜香，食上口爽口，不會太膩。
\磯煮/
✦ 磯煮鮑魚配鮑魚肝醬 🍴4.5/5
鮑魚好彈牙，好腍，不用力都可輕鬆咬開！鮑魚肝醬加了味噌煮製，令醬汁更濃稠惹
味。
\壽司/
✦ 春子鯛壽司 🍴3.5/5
✦ 銀鱈魚壽司 🍴4/5
✦ 鮫鰈魚魚邊壽司 🍴3/5
✦ 金箔大拖羅壽司 🍴4/5
✦ 和牛壽司配馬糞海膽 🍴4/5
✦ 水晶海膽杯配酒渡三文魚籽 🍴4/5
春子鯛切開火炙，肉質好腍，上有七色芝麻，頗香口。銀鱈魚BB肉較幼嫩，非常厚肉，不過黑松露味不夠重。鮫鰈魚魚邊壽司同刺身有點重複，重膠質，好肥美。師傅輕輕火炙大拖羅，再加上金箔，入口油香滿溢，令人難忘！和牛壽司配馬糞海膽，同樣經過火炙，和牛彈牙有咬口，根室海膽大份，份量極大。水晶海膽杯配酒渡三文魚籽，大份到似迷你丼，喺四重赤醋飯上放了大量海膽及三文魚籽，飽肥又美味！
\季節和食/
✦ 炸澤蟹、鹽燒香魚、萵筍、白蘆筍、蕃茄 🍴3.8/5
猶如一幅山水畫般精緻！澤蟹香脆可口，入面仲有點點蟹膏、鹽燒香魚皮薄肉多，又有萵筍、白蘆筍及蕃茄等伴菜，可口得嚟減少炸物及燒物嘅油膩感。
\湯/
✦ 豆腐魚湯 🍴4/5
食晒刺身及壽司，飲魚湯立即暖胃！正！入面有魚肝、魚肉、豆腐及舞茸菇，非常足料。
\甜品/
✦ 蜜瓜、蜜柑
蜜瓜唔夠熟，麻麻地，蜜柑正常發揮。
總結：第一次嘗到Omakase竟然飽到食唔晒！份量絕對係出面食到嘅一倍！整體白身魚偏多，不過唔少魚種都挺稀有，感覺都值回票價。
📍店家傳送門：@sushi.kiwami
With：@mr.travelgenius
⚜️ 感謝 @timbeelo 借出精緻飾物，及星級髮型師 Adon Kowk 為我梳理頭髮！
✾分類標籤
#daydayfoodie_restaurant
👆ᴿᵉᵃᵈ ᴹᵒʳᵉ
★－:+:－:+:－:+:－:+:－★
🎡味道：4
🎠環境：4
🎪服務：4.5
🕌CP值：3.5
（*5為最高分）
★－:+:－:+:－:+:－:+:－★
◌ 極鮨
◌ 銅鑼灣軒尼詩道525號澳門逸園中心10樓
★－:+:－:+:－:+:－:+:－★
💗ᴿᵉᵃᵈ ᴹᵒʳᵉ
留言 0