1.娛頭早前寫過有線內部立立亂，今年初曾傳出，或會「擠牙膏式」裁員，員工惶惑地等待極刑。
2.而有線係主席鄭家純及副主席 #曾安業 英明領導下，業績再有突破！前日有線公布，上半年持續經營虧損擴大至2.55億元，多於去年同期蝕1.49億元。
3.今日周大福企業再下一城，作出新人事任命。原先行政總裁只有曾安業一人，現在職務一分為三，曾安業睇歐洲及澳洲業務、 鄭家純幼子鄭志亮管北亞洲， 何智恒管企業營運。
4.曾安業對此指出：「非常歡迎周大福企業管治團隊迎來兩猛將！」（梗係歡迎，唔通喊咩！）
5.吊詭嘅係，其中獲任命嘅何智恒，同娛樂圈都扯上左關係！何智恒係資深會計師，現時亦係新創建行政總裁，以及仲有一大堆公職銜頭。
6.2016年，當時仍為HMV董事的何智恒，被發現與 藝人 #宋芝齡 拍拖，兩人更在街上攬 錫。當時宋芝齡承認此事；其時何智恒已婚，正辦理離婚手續並分居中。2021年何再婚，不過新娘並非宋芝齡。
7.何智恒仕途一直扶搖直上，純官身邊咁多得力猛將，揀中佢一定係作出了最明智嘅決定！
▼Follow 娛頭
Facebook: https://www.facebook.com/profile.php?id=61554772610166
留言 0