王賢誌疑暗寸表哥鄭嘉穎　「一早放棄同呢個人有任何聯繫」

鄭嘉穎日前因缺席《鐵馬家族》聚會，令他與馬國明不和的傳聞愈來愈明顯，除未必出席馬國明與湯洛雯海外婚禮，接受TVB訪問時更不耐煩地叫主持「唔好再問」，令觀眾看到他欠風度，甚至被傳媒大數歷年無品事件簿。而昨日（5/12），鄭嘉穎的表弟王賢誌似乎都睇唔過眼，在IG出Story疑似在暗寸表哥，更聲稱︰「一早已經放棄同呢個人有任何聯繫。」

王賢誌昨日在IG出了一個文字Story，內容為︰「始終都係日久見人心，幕前幕後兩個樣其實我早就見識過，所以一早已經放棄同呢個人有任何聯繫。如果問起我佢嘅嘢，Sorry佢唔係我邊個，連朋友都講唔上，千祈唔好再問我。」

雖然全文沒有指名道姓，不過就最近發生的事件，加上他與鄭嘉穎的關係，文中所講的都呼之欲出。未知兩表兄弟有發生過甚麼事，但連親戚都睇唔過眼要加一把，似乎呢位表哥向來對親戚同朋友都一視同仁，唔嘥時間無交往。

其實王賢誌是香港王氏企業的後人，其家族顯赫，當中亦不少名人親戚，除了有表哥鄭嘉穎，向海嵐則是其母親的表妹，妹夫則是藝人周勵淇和名模周汶錡的表兄弟，與演藝界人士都頗有緣份。