港女街頭被陌生男借衛生巾　網民懷疑是騙案：可能氹你拎去女廁再打劫

早前有小紅書網民分享，在九龍塘遇到陌生男子借衛生巾，希望事主幫手送到洗手間給女友，疑似是新型騙案手法，近日有女網民在Threads上發文，分享了非常相似的經歷：

「岩岩冇啦啦有個男仔係到街到問我有布m巾，佢女朋友突然黎m，我話我可以翻上公司拎（岩岩行出門口），佢問係咪大塊，唔係就算了，我話前面有 watsons，超級市場之類，佢話存帶錢，我問佢有冇 payme個啲，正想話可以幫佢買之際，佢話唔使，就跑走左了」

隨即有網友勸樓主不要好心幫忙，指「氹你幫佢拎去女廁某一格，但果格入面就係佢同黨，可能係打劫架」，同時指出陌生男「冇帶錢」十分可疑，有機會是騙徒利用女生互相幫助的善意，希望各位女士保持警惕！

圖片來源：Threads

《好有脆》專門發掘社交媒體精選帖文，所有內容及相片版權均屬發布人擁有。