請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

《有個閨密叫祖藍》暢談與四大型男合作點滴 陳松伶難忘滾湯淥腳搞到要喺醫院面試

由王祖藍主持的《有個閨密叫祖藍》,周日(11日)晚播出第7集,今集嘉賓是近年少有在無綫亮相的陳松伶(松松)。松松與祖藍原來是透過該節目才首度會面,2人之前一直靠短訊建立感情,但祖藍不但在本集限定的《網友快問快答》中,對松松瞭如指掌,閒談間更驚揭不少共通點,松松某些特質「倒模」祖藍老婆李亞男,祖藍與松松老公張鐸則「臭味」相投,松松更因而嚇得掩臉尖叫:「你(指祖藍)居然都係咁?要Blacklist呀!」相當投緣!

製作組替松松度身訂做「黎明」、「鄭伊健」、「張智霖」及「張鐸」等型男「姓名條」,並配合不同類型問題,讓松松抽籤並逐個講述合作感受及相處趣事。

為了配合松松「男神收割機」身份,製作組替松松度身訂做「黎明」、「鄭伊健」、「張智霖」及「張鐸」等型男「姓名條」,並配合不同類型問題,讓松松抽籤並逐個講述合作感受及相處趣事。

多位男神中,松松表示與伊健合作次數最多、多達7至8套劇集,並指性格慢熱內斂的伊健,隨着合作漸多,變得相當照顧她,並曾勸她別再拍戲:「最好笑係開開下工、凌晨3點零,佢突然話你唔好再拍戲,你去返學啦;我就話:『喲,好的』。」

松松坦言很感激出道作品《天涯歌女》的拍檔黎明,因對方教她不少東西:「嗰時我只係學生,佢已經係當紅小生,我記得我係著住校服返TVB,返到公司仲要除校服、著旗袍同戴假髮。你知一個學生,好少同陌生人食飯應酬,佢就叫我可以花多啲時間,跟同劇嘅人食飯,但我嗰時個腦入面除咗講對白,就係做功課。」

松松更爆《天涯》面試地點是在醫院:「我嗰時燙傷咗隻腳,我煲雞腳湯,點知個瓦煲下面穿咗,啲熱湯就『篷』咁樣(流落對腳)。監製去醫院睇我時,見到我好似好可憐咁,就順理成章揀咗我拍。」

查看原始文章