新疆美女迪麗熱巴人氣高企，出道無耐就已經上位做一線當紅花旦，唔驚唔覺就已經入行10年，聽日（3日）更係佢30歲生日，所以佢就上載咗一批新相，當禮物咁送畀粉絲。而佢最近就現身新劇《公訴》飾演檢察官，但就畀大批觀眾質疑形象唔適合，仲被質疑迪麗熱巴本人影子太重，令大家忽視新角色嘅感覺，搞到佢都要無奈嗌擔心。
佢最近接受採訪時，就坦言確實會擔心觀眾看法，見到好多人踩自己唔適合個角色，搞到佢都否定自我，後期配音亦受到外界聲音影響，覺得自己做得好差，不過佢都保持樂觀：「我也做不了甚麼太大的改變，我的臉也變不了，我只能頂着我的臉去演。」於是佢花費更多力氣去塑造角色，希望從言行舉止上說服觀眾相信自己係檢察官。
東網網站 : https://on.cc/東網Facebook專頁 : https://www.facebook.com/onccnews/
