年尾年頭多聚會聚餐，即使CONY成日周圍搵食多貨喺手，有時都會選擇困難，不肯定選什麼菜式、餐廳才適合大家的口味，所以每逢有人問我，我都會建議自助餐，食物款式多，氣氛又好，而萬一親朋戚友講起某些話題，更可以短暫逃離現場（講笑）。對於不少港人來說，自助餐的海鮮種類就相當重要，事關它們猶如能否「回本」的關鍵。唯港薈（Hotel ICON）The Market的「阿拉斯加帝王蟹宴」1月起就加入多款以龍蝦入饌的菜式，包括來自法國的藍龍蝦、龍蝦法式麵包等，亦有西班牙龍蝦燴飯，喜愛食海鮮的朋友必定會感到大滿足。
升級版自助餐保留了受歡迎的即席燒烤鹽燒阿拉斯加蟹腳、新加坡黑胡椒炒肥肥蟹等，而以龍蝦入饌的全新菜式就包括酥皮龍蝦濃湯、泰式龍蝦柚子沙律、龍蝦鉗沙律等。特色海鮮方面，午市和晚市各有分別，前者提供蒜香芝士焗蠔，而後者則囊括龍蝦法式麵包、鐵板燒大虎蝦，以及限定的四川藤椒炒藍龍蝦。全日供應的西班牙龍蝦海鮮燴飯就由廚師現場以大鑊呈現，食客要特別注意出爐時間！
自助餐保留了經典的恆常美食，包括各種冷盤、海南雞飯、印度咖喱等菜式，而餐廳的甜品部分亦相當聞名，除了GODIVA雪糕，更有多款榴槤甜品如迷你D24榴槤芝士撻、自家製榴槤雪糕、榴槤麻糬葡撻，從頭盤到主食、甜品全方位挑戰大家的肚容量。
The Market阿拉斯加帝王蟹宴
地址：尖沙咀科學館道17號唯港薈2樓
價錢：
早餐－$298起（成人）$188起（小童）
早午餐－$698起（成人）$448起（小童）
下午茶－每位$468起、兩位$798起
晚餐－$858起（成人）$578起（小童）
留言 0