現年40歲李綺雯（𡃁妹）於2020年離巢TVB，之後跟健身教練男友梁愷傑（Ocean）開設健身室。由於兩人都是知名人士，加上李綺雯在娛樂圈工作多年，因此健身室的宣傳工作一向由她負責。不過日前李綺雯出帖文表示，有前員工公然撬走客人，之後有幾名該教練的客人要求退錢。她直言「我做人有良心，唔代表好恰」、「出嚟做嘢都20幾年有咩蠱惑嘢我會唔知」。
李綺雯在社交平台出帖文寫道：「早排見到有個健身教練講話之前間公司cap咗佢自己私人學生，要佢交數，再踢佢走。我地（哋）@buildmusclehk就由得教練公司上freelance，@oceankit仲曾經介紹自己學生俾公司教練上。我地（哋）公司亦唔使跑數，所有宣傳新客都係我。但我想講，我做人有良心，唔代表好恰。帶走公司嘅學生喺出面上堂，我都已經冇出聲，仲要佢哋全部都係因為公司而報名，唔係因為你。係得你連續幾個學生同我講因為你走所以要退錢，有啲仲要隔咗一年冇上堂。我唔想講到自己老阿叔咁，但我出嚟做嘢都20幾年有咩蠱惑嘢我會唔知。」
李綺雯離巢TVB後與健身教練男友梁愷傑（Ocean）投資開設的健身室，2021年Ocean在主題樂園向李綺雯求婚成功，但因疫情影響而延遲結婚計劃。雖然近年兩人未有公佈婚訊，但依家非常不時放閃。