想知另一半係咪理想男友，即睇以下8個特質！相信不少女生都有向閨密大吐苦水，投訴男朋友的經驗，不外乎是男朋友不夠細心，男朋友總是很忙等等，在你心目中，理想男友要具備甚麼條件？整合以下8種理想男友的特質，包你時時刻刻甜入心兼有滿滿安全感，絲打們遇到這種絕世好男人一定要好好珍惜！
理想男友8個特質
1. 起床、睡前都會想起你
有男朋友講早晨的morning就是good morning！理想男友不論起床，抑或睡前都會想起你，早上會主動跟你講早晨，晚上睡前跟你說晚安，女朋友甜入心。
2. 行街拖實
試過跟男朋友拍拖走失了嗎？我朋友試過！我朋友試過！我朋友試過（我的朋友不是我）！理想男友跟你拍拖定必拖實女朋友，即使在人潮洶湧的地方，也絕不會失散。
3. 生病時照顧你
生病時，有男朋友照顧令人倍感窩心。理想男友會關心女朋友的病情，貼心照顧，伴侶左右，即使有工作，亦會定時提醒女朋友食藥，放工後人肉速遞外賣，甚至煲「愛心粥」！
4. 用心幫你影靚相
很多女性朋友投訴另一半不懂拍照，亦不用心幫自己拍美照，即使有美景襯托，也hea影，把自己拍得很醜，真的自拍好過！理想男友會花心機幫女朋友影靚相，絕不敷衍求其！
5. 迅速保護你
理想男友絕不會讓女朋友處於危險當中，人多擠迫時輕擁你，行街時會把妳拉回馬路內側，有突發情況會迅速保護你。
6. 花時間陪你
Talk is cheap. Actions are everything. 講多無謂，行動最實際！時間比金錢更寶貴，即使口講多愛你，不花時間與妳相處都是廢的。即使工作夕忙，理想男友都會花時間跟你傾電話、whatsapp及拍拖，不會令你感到孤單。
7. 記得你幾時姨媽到
理想男友會留意女朋友幾時m到，月經期間禁止你喝冷飲、吃雪糕，甚至為你準備紅豆水。
8. 懂得避忌
有女朋友當然不代表要跟異性朋友斷絕來往，但理想男友會懂得避忌、檢點，不會常常單獨與異性朋友在一起，會尊重你的感受。
留言 0