不一樣的開學日！林盛斌陸永女兒安坐大宅網上學習

今日9月1日正常就係學生哥返學嘅日子，不過今年就唔同往時，喺新冠肺炎下，好難見到有學生喺街上出現，變咗在家網上學習！育有4個仔女嘅林盛斌（Bob），三個女今日一早8點就已經坐定定喺iPad面前，佢哋都着上校服，一人一張枱，而佢哋所用嘅枱櫈都好似課室桌椅咁，喺林氏大宅進行網上授課完全係冇問題！

而陸永兩個女都一樣，坐喺電腦前上堂，大女Hannah仲化身四眼學生妹認真學習，而細女Simsim就頭側側，貫徹佢一向搞笑嘅形象呀！

張頴康同麥雅緻大女小豆今年升小一，佢喺媽咪陪同下屋企開學！而《東張西望》主持容羨媛亦上載囡囡照片，留言：「記錄一下2020年9月1日的開學禮！各位同學，開學大吉！畀心機讀書呀！」

東網網站 : https://on.cc/

東網Facebook專頁 : https://www.facebook.com/onccnews/