2021潮男必梳5款型格髮型！齊集日韓/歐美/剷青/ALL BACK 內附SALON推介 出街回頭率UP！

時代唔同左，而家唔少男仔都越黎越注重打扮！除左著衫講求潮牌、潮鞋之外，一個好嘅髮型唔單止會令自信增加，分分鐘仲可以改變形象，顏值立即upup～逆轉其他人對你嘅第一印象，增加心儀對象/女神對你嘅好感！其實整頭髮已經唔再係女仔嘅專利，近年流行嘅男士十分多變，除左「軍裝頭」、「剷青」、「All back」等等，仲有日韓或歐美嘅「中分燙髮」。相信係小鮮肉定熟男，都總有一款啱你！今日小編就為大家精選左5款2021潮男必梳型格髮型，想知邊間salon整得好睇就記得要睇到最後啦～

圖片來源：IG@yonda.hair、mr.adampak、jf_hair、haircafehk、網絡圖片｜撰文：candice

2021潮男必梳型格髮型1. 中分層次燙

近年男生界流行中分髮型，這類髮型除左可以解決額頭短嘅問題，同時仲係韓式/歐美髮型大熱！淨係唔同嘅電法、捲度已經可以有多種變化。

上圖呢款髮型長度偏長，紋理以歐美風配搭韓式中分燙，利用兩個特質mix埋一齊，適合秋冬衣着，配合唔同的衣着亦能帶出造型上嘅新鮮感！

而呢款較多層次嘅中分髮型，可以突顯立體感，如果你係有頭型扁煩惱嘅男士就十分適合了。

如果喜歡低調一點嘅捲度，亦可以嘗試下wave感比較強嘅電法，比人感覺會相對柔和！

2021潮男必梳型格髮型2. 韓式九一分界+逗號燙

好多時韓式嘅髮型都係最能吸引女生眼球的，想化身成Oppa，可以試試呢款九一分界逗號燙髮型！雖然九一分界很多時是女生較常選擇的造型，但當男士做了這個髮型，其實反而能突出面形。

這個髮型適合方形臉男生，除了可以將整體五官突出得更標誌，顎骨等稜角會顯得更加分明，有男人味之餘配合流線形逗號燙又不會太強硬～

2021潮男必梳型格髮型3.日式外國人風寸頭

很多男士會以fading作為寸頭的標準，以下呢款日式寸頭融合日式同歐美元素，解決頭骨缺陷，利用頂部厚薄度的層次，係適合亞洲人嘅加強版漸變fading！

如果平時嘅造型偏向型格cool guy路線，大膽嘅你可以挑戰一下，剪完除左一秒變潮男，仲有種清爽嘅感覺，絕對可以大殺四方，回頭率UPUP！

2021潮男必梳型格髮型4. 歐美 Allback + undercut髮型

Allback頭可以話係香港唔少男士嘅最愛髮型，不過Allback都唔係每一位男生都可以carry到，因為亞洲男士髮線一般較高，或者有M字額情況。如果想整allback頭可以利用兩邊髮量遮蓋額頭，配合唔同紋理嘅方向，就可以解決到髮線缺陷問題！

如果想髮型設計得再細膩d，可以融合埋歐美undercut元素！Undercut 暫時冇一個正式中文譯名，但意思係指將頭髮兩側剃掉，只留住頂部頭髮。特色係簡潔同百變，按個人頭髮長度同厚度，可以做出幾款潮流髮型，喺夏天亦可以將長髮剪短，保持清爽。

2021潮男必梳型格髮型5. 武士頭 （ Top Knot ）

最後一款就係近年歐美人士大愛嘅武士頭 （ Top Knot ）啦！「 武士頭 」源於日本江戶時代，將頂部頭髮拉後扎起，其他頭髮則剃光或剷平。

呢種髮型嘅挑戰程度比較大，不過髮型特色就比較有男士氣概，如果平常就係行硬漢路線，配合適度嘅紋身後，相信行係街上絕對會霸氣側漏！不過唔係所有男性都適合剪依類男生髮型，如果想剪Top Knot，皮膚白嫩同圓臉男士就可能比較唔適合。

睇左咁多款潮男髮型，緊係要睇埋有咩好salon同造型產品可以幫你整出心水髮型！而家小編即刻為大家推介幾個，有興趣就記得快d bookmark定啦～

男士髮型salon推介1. 念 · YONDA HAIR

多款男女生潮流髮型都可以完美做到，更經常為不少KOL、網紅設計髮型！

地址：尖沙咀加連威老道26號2/F

電話：90186587

營業時間：10:30 – 19:30（星期一至六）

男士髮型salon推介2. Hair Cafe

位於旺角的新潮salon，融合髮型屋x cafe的概念，而家去仲有限時優惠價$800！

地址：旺角洗衣街37號1樓

電話：2673 7205/96616639

營業時間：11:00 – 10:30pm

男士髮型salon推介3. JF Hair

位於中環的小店salon，2位髮型師自己也是潮男，十分溫柔細心，除了本地客戶，平日也會為不少外國人設計髮型！

地址：中環和安里4-5號2樓A

營業時間：星期二至日 10:00-21:00 （預約制）

造型產品推介1. GATSBY 超強塑形髮臘

GATSBY作為最出名同最多人用嘅男士髮蠟品牌，當中呢款粉紅色包裝塑形髮臘定型力最強！帶有柑橘香氣可以比人好印象之餘，質地類似髮乳亦好易推開～係抹開過程中頭髮會自然形成束束分明嘅狀態，同時又維持到自然嘅柔軟度同光澤，就算比強風吹，都只有頂部頭髮會稍微凌亂！另外單用洗髮水浸泡就可以令髮蠟剝落3成左右，只要稍加搓洗就能徹底洗去，超級好用～

造型產品推介2. GATSBY Inside lock 乾爽層次髮蠟

如果係電左層次感比較豐富嘅髮型，另一款Inside lock 乾爽層次髮蠟就幫到你啦！產品採用左獨特嘅內外鎖定技術，質地乾爽用完唔會好似一般hair gel咁成頭痴笠笠，同時又可以滋潤髮芯為受損髮絲保濕～最正係髮臘更具備抗濕氣功能，香港無論一年四季都咁潮濕，set完頭最怕就係出街唔夠半個鐘就開始塌，以後用左呢款Inside lock就唔怕啦！

造型產品推介3. Shiseido UNO Hybrid Hard 定型髮蠟 

除左gastby，由shiseido推出嘅UNO定型髮蠟都係個唔錯嘅選擇！呢款髮臘含有「清爽彈蓬微粒」，當微粒係頭髮上時會抓住空氣並注入微粒間隙，令髮型蓬鬆又富有彈性～無論係大波浪嘅逗號頭定係超誇張紋理燙都可以gel得好好睇！

介紹左咁多男士髮型同造型產品，各位潮男都快D去整翻個新髮型準備迎接秋冬啦～ 下次同女神bb出街記得配合埋衣著效果仲會有加成添啊！