【《別怪她》15周年】吳卓羲想鄧智偉寫首續集歌叫…

吳卓羲（右）與鄧智偉合力打造的《別怪她》，竟然已踏入15個年頭。（鍾偉茵攝）

【今晚直擊】吳卓羲與鄧智偉今晚在「博愛醫院董事局就職晚宴」上，合作表演他的首本名曲《別怪她》。吳卓羲表示本來只是個人演繹，後來知道鄧智偉同場演出，於是邀請對方彈鋼琴伴奏，覺得合體表演別具意義，「首歌是鄧智偉15年前作給我的，今日一齊做慈善，是個好好紀念。年初約鄧智偉食飯聚會，已經向他邀歌，《別怪她》15周年，想搵他寫首續集《別怪她我又要》，哈哈哈！」

追問他想再戰樂壇頒獎禮跟好兄弟林峯一決高下？吳卓羲搞笑說：「唔係咩呀，淨係佢攞晒啲獎呀！哈哈！其實唱歌不是為獎，是同拍擋在15年後再合作，寫咗歌先啦！若果他幫我作多幾首，出張EP，做埋音樂監製就好了。」身旁鄧智偉大讚吳卓羲最近勤力練歌，吳卓羲聲稱無放棄音樂事業，間中也有登台及練歌。