愛犬「妹妹」病逝　張敬軒傷心發文：好叻好勇敢

歌手張敬軒（軒仔）於上月28日表示家中的哥基愛犬「妹妹」因患漸凍症病況不樂觀，雖然軒仔已經停工陪伴及盡力搵獸醫搶救，他更傷心得表示可能唔再養寵物，可惜「妹妹」最終都不敵病魔，於昨日（30日）病逝。

軒仔傷心得在今日（1日）凌晨才發文公布「妹妹」的離世消息，他寫道：「今日（11月30日）傍晚七點，妹妹畢業了，佢見勻晒所有屋企人，一切都好平靜。十五歲幾，對於哥基嚟講，已經好叻好叻了。佢由細到大都好勇敢，好殘（倀）雞，好拽。可能因為佢咁嘅性格，先至一次又一次咁樣喺鬼門關沖（衝）返出嚟。

軒仔亦感謝一直以來照顧及醫治「妹妹」的醫生護士及關心「妹妹」的網友，一眾圈中好友包括王菀之、Gin Lee、胡定欣、Aka等都送上祝福。

東網網站 : https://on.cc/東網Facebook專頁 : https://www.facebook.com/onccnews/