自從壽司郎登陸香港，一直深受歡迎。最近一位網民在社交平台Threads上分享與友人食壽司郎的尷尬難題，友人吃的大多是價錢較貴的金色和黑色碟，理應比較貴，但朋友後來只付全餐飯的一半價錢，事主自覺陷入兩難局面，「出咗聲就好似好小家咁，唔出聲自己又唔gur」，引來不少網民留言獻策，以4招應對。
第一招：分單
有網民表示「壽司郎可以分單」，只要和侍應講聲，對方就會分開計數。
第二招：主動問友人追數
不少網民都建議事主追數，認為「價錢差太多唔可以平分」、「攞人著數先係小家」。
第三招：冇得分單就唔主動畀晒錢先
有留言指出，如果這情況下，不建議事主主動畀晒錢先，因為這樣會令友人有機會決定自己畀幾多錢。
第四招：對方食咩碟，自己跟住叫
一位網友建議事主跟住對方點餐，對方食金碟，自己跟住叫金碟，令雙方價錢不會差太遠，即使平分也不會太肉赤。
估唔到食壽司郎都可以變成一場心理戰！唔知你又點睇呢？歡迎留言分享你的看法。
圖片來源：Threads
《好有脆》專門發掘社交媒體有趣帖文，所有內容及相片版權均屬發布人擁有。