根據西班牙傳媒消息，隨住未搵到新球隊同埋歐洲賽已經截止報名，迪基亞肯定無辦法參加今季歐洲賽分組賽

根據西班牙傳媒阿斯報消息，歐洲大部分轉會窗都已經關閉，依家唯一開放嘅主要市場只係得返土耳其🇹🇷，而土耳其轉會窗將會係9月15號先至關閉😶

事實上，有部分土超球隊都需要參加歐洲賽，但係隨住歐洲賽都已經截止報名，所以土超球隊都難再簽新球員，而迪基亞亦都好難加盟呢啲球隊，更重要嘅係呢位西班牙🇪🇸龍門將會缺席今季歐洲賽分組賽🫠

消息指如果迪基亞唔想係冬季轉會窗開返之前無落班嘅話，咁迪基亞可能要選擇中東地區或者國家冒險。而卡塔爾、阿聯酋甚至係墨西哥都可能係選擇，因為呢啲國家嘅轉會窗將會下星期之前繼續開放🙂