東張西望︱羅毓儀母校面臨殺校　重遊舊地不捨爆喊

無綫資訊節目《東張西望》今晚（15日）報道位於黃大仙的獻主會溥仁小學，因小一收生尚欠一名學生，將面臨殺校結果，身為舊生的無綫小花羅毓儀，日前獲悉消息後，第一時間與母親重返母校，與老師分享求學時點滴。

已畢業14年的她，甫一步進昔日校園，直言校內完全唔同晒，看回昔日的學生照，毓儀笑不攏嘴，之後撞見曾教過她的薛Sir，被大讚當年是乖學生，毓儀透露媽咪當年曾是學校家教會一分子，更於「故事媽媽」活動上向學生講故事：「所以圖書館好有回憶，當時媽咪畀同學叫佢做『麵包超人』。」之後便走進畢業前就讀的6C班房中，她感性表示：「呢度絕對唔係一間名校，只係一間屋村學校，知道依家好多家長同埋小朋友都係有個目標，一定要入名校，我自己覺得呢一間學校係令到你嘅想法變得正確，細個都覺得成績好緊要，大個就覺得人情味，或者點樣正確面對一啲難題先至係最重要。」當提到若然母校真的被殺校，令她最不捨的地方是甚麼？她聞言即飲泣，並表示：「所有嘢，所以依家有啲後悔，點解自己唔多啲返嚟！」

東網網站 : https://on.cc/東網Facebook專頁 : https://www.facebook.com/onccnews/