阿Jer今年幾首作品都特別又帶點玩味，嚟到《沒終點的青春》風格截然不同，唏噓中傳遞滿滿力量。
「大了幾歲 忘掉幼稚 青春必須 考試 先懂珍惜 那無知」
人越大逐漸會發現人生係充滿傷痛，每日經歷高高低低，面對不同苦楚與無奈，可能係希望落空，甚至係生離死別，實在太多事我地無法控制。心中渴望得到世界認同，卻換來種種批評與比較，即使成長中嘗過無數次，仍然會感到委屈氣餒。
人生就係喺遺憾與失敗中苦苦走過，無人例外。
「叫不出 喊不出 你心中 所有苦衷 看不出 說不出 因未及 別人出眾」
如果無可避免要面對挫折，與其鬱鬱不樂，倒不如把握尚有嘅精力與時光，懶理所有周遭所有規限，以一股衝勁一往直前，燃燒青春，奮力向夢想進發，過自己選擇嘅生活。就算做唔到社會所謂嘅成功，但最少活得無悔，對得住自己其實已經足夠。
「來撩動 多幾分 肉緊躁動 將錯就錯 青春 才不枉送」
生命只有一次，時間亦只會一去不返。太多人花盡一生追名逐利，過份執著於別人嘅睇法，到有日回首先發現，人生好似無咩真正快樂嘅時刻。人生苦短，及時踏出改變一步，終有一日你會感謝自己曾經如此勇敢。
「妄想 要修補 世間的空洞 人生破洞 勇敢 不惜一切 即管去衝 去 造 夢」
阿Jer一直以嚟推出嘅歌題材相當廣泛，有特色之外又有深度，仲保持到自己獨有嘅風格同感染力，好似《沒終點的青春》咁，每次聽完都會莫名地感動。感謝柳應廷屢屢以音樂溫暖樂迷內心，私心更希望阿Jer可以出返首情歌，離別三部曲依然係我playlist聽得最多嘅作品之一。
「花樣年華 不知道 遺憾中 多 凍」
你又有無想實現但一直未開始實踐嘅夢想？
《沒終點的青春》Jer 柳應廷
曲：吳林峰
詞：小克
編：王雙駿
監：王雙駿
「時間要你 永遠被動
叫不出 喊不出 憋心中
去失戀 去搬屋 去轉工
無後悔 就算這 世間 不 會 認 同
到某一天 碰到終點站 那位
蓬首垢面 老翁
劃 破 光 陰 跟 你 講
全靠你以往那衝動 一直去衝
當你及我 七百萬個 生與命 太匆匆
花樣年華 不知道 遺憾中 多 凍」
▼Follow hkpopculturelover
Instagram: https://www.instagram.com/hkpopculturelover/
留言 0