姜濤轉換心態面對批評　「知錯會改」望大家和氣生財

ViuTV節目《呂濤米Lo 花Son Show》 昨晚（5月29日）播出的最後一集，姜濤和花姐分享心底話。談到早前被前輩「王生」點名批評事件，姜濤淡然地表示已成習慣：「都唔會話好大壓力。惟有換個角度諗當佢都係為我好」。花姐心痛姜濤因知名度而經常無端被責罵，令外界大多聽聞關於他的事情都是負面。姜濤表示以前的自己可能會反駁，但現在已明白應該如何處理。他笑言自己「食得咸魚抵得渴」，大眾沒有必要承受自己的負面情緒：「知錯會改，我哋收到㗎喇。希望可以鬧少啲，大家和氣生財」。

談到姜糖時，姜濤覺得他們是全世界最好的Fans，對其付出的心意更是無話可說，他寄語：「唔希望將我當咗係一個神，唔想佢地嘅世界淨係得我一個。我可以陪你地行人生某一段路，就算將來未必再需要我都好，但同我一齊嘅時候，你哋會學到或者得到某啲嘢。希望大家嘅世界可以多返啲自己嘅目標，將自己諗得比我重要」。

另外，被問到為何到現在還未有女朋友，姜濤坦言現階段未必合適：「依家覺得拍拖要承受好多外界壓力。拍拖係兩個人嘅事，唔需要被大眾注視」。至於理想型條件，姜濤害羞指希望長頭髮和得意。