請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

《有個閨密叫祖藍》李亞男冧爆索吻扭公主抱 祖藍爆老婆缺點「太過華姐」

王祖藍主持的綜藝節目《有個閨密叫祖藍》本周六(1日)播出最後一集。今集嘉賓是華姐出身兼祖藍太太李亞男(Leanne)。平日高貴大方的Leanne當面對老公祖藍卻變成另一個人,不但表情動作多多兼不介意在鏡頭前展現粗魯及樣衰一面。兩人經常大耍花槍,祖藍還乘機捉弄嬌妻,尤其當Leanne「走音」時,祖藍更笑她,令Leanne要忍笑「扮嬲」兼「反白眼」!

「藍男」互爆對方黑材料,祖藍搞笑指Leanne缺點是「太過華姐」。

二人今次應製作組「安排」,玩盡以往八集所有「閨密任務」,玩任務期間「藍男」互爆對方黑材料,祖藍搞笑指Leanne缺點是「太過華姐」:「佢喺屋企入面都好華姐㗎,佢唔會發嬲啦,你其實基本上見唔到佢唔笑㗎,佢唔明你講咩又好,佢嬲你又好,佢都係保持住華姐笑容。同埋佢永遠唔會太興奮,佢甚至乎喺屋企啱啱沖完涼,包住咗個頭,同我講嘢都會有華姐甫士。」Leanne則投訴祖藍「惡意」放屁:「佢成日喺個被竇入面屙屁,佢明明可以講句唔好意思、然後出一出去㗎嘛……重點係我仲喺(被)入面,你要焗死自己,OK!It’s alright, but you know……」之後再狂數祖藍「烏搲」事件簿。

雖然祖藍和Leanne已經結婚七年,但節目中還是看到他們甜蜜的一面。當兩個人玩Truth or Dare時,Leanne乘機向老公索吻,並撒嬌說:「俾個機會我!(祖藍:好耐冇嘴過咩?)係,24小時前(錫錫)喇。」不過當祖藍真的準備獻吻,Leanne又忽然少女上身大叫「好尷尬」,幾經扭擰二人最終甜蜜咀嘴。

之後Leanne要求老公公主抱,由於Leanne太高大,即使祖藍出盡力,還是抱得相當不穩。此時Leanne再下一城要求老公抱着她跳舞,祖藍聞言嚇至眼凸:「你真係決定咁做?我條腰要睇醫生㗎喇喎。」

查看原始文章