人氣郊遊路線上水得月樓，最近被港人發現設置大閘，疑似係防止車輛駛進。事後，有網民喺社交平台群組「香港人露營分享谷」中分享相片，引起網民熱烈討論，但網民就大讚封得好，到底點解呢？即刻睇睇！
人氣郊遊路線落閘擋車防止內進！網民熱烈討論
有網民指圖中地點係前往上水得月樓通道嘅方向，該處一直以來都吸引咗不少郊遊人士前往，加上近年受到疫情纏繞冇得出國旅行，郊遊人數可以話有增無減，更有唔少遊人揸車前往添！但情況就對使用單車嘅道路使用者造成不便，斥責「沿路幾十部車泊到成條路都係！冇得行」，唔少網民大讚落閘嘅做法「做得好，回復清靜」
早喺一月嘅時候有郊遊人士就拍到水得月樓嘅郊遊情況，在相中至少有5、6架私家車，又有幾架單車，就連警車都嚟埋添！喺草地範圍就有人喺度露營，場面相當之熱鬧。難怪網民對落閘有以下留言。
除咗道路使用問題，咁多人嚟當然製造咗唔少垃圾啦！喺上年12月有郊遊人士影低咗呢張慘不忍睹嘅相！圖中成地都係垃圾，包括有膠袋、紙箱、食剩嘅食物殘渣等，當然仲有為數不少的鋁罐、罐頭啦！郊遊人士做不到自己垃圾自己帶走，居民最終決定落閘都無可厚非！
今次嘅落閘事件網民更帶出另一個富討論性嘅問題，喺香港有唔少自私嘅郊遊人士，佢哋可能覺得呢個地方玩爛咗咪去另一個囉。但其實呢種心態真係唔要得呀！希望大家緊記自己垃圾自己帶走，保護郊外環境！
留言 0