【深水埗美食】唔駛去台北夜市！深水埗新開地瓜球小食店 手工製即叫即炸／多款shake shake粉口味
台灣夜市有不少美食選擇，燒香腸、蚵仔煎、炸雞扒，當中地瓜球亦是人氣小食之一。最近深水埗就新開一間小食店專賣地瓜球，店主每日手工製作，即叫即炸，更有多款shake shake粉可以加配，鍾意蕃薯的朋友一定要試試！
深水埗最近新開一間小店「水見地瓜球」，主打自家手工製地瓜球，採用新鮮蕃薯壓成蓉。每份地瓜球($28/13粒；$22/9粒)都是即叫即炸，特別香脆。
+2
↑點擊圖片放大↑
另外還有混合紫心蕃薯所製，咬落口感煙韌，散發淡淡蕃薯香。
店主仲搞搞新意思，特別提供shake shake粉，有海苔味、香辣味、青瓜味等。加入調味粉落地瓜球再shake～
煙韌控下次到深水埗掃街記得試試喇！
水見地瓜球
地址：深水埗桂林街50號A地下2號舖