繼《討好式戀愛》殘酷虐心後，小巧驚喜地搵嚟林宥嘉同林家謙合作。依個夢幻組合製作出一首充滿力量嘅作品，陪伴大家渡過低潮。
「痛哭的你 痛哭的你 擁抱著 痛苦的我 痛苦的我」
人生道路上，總有啲時候會不斷面對挫折失敗，好似做咩都難以成功，處處有掣肘，完全失去方向。每日只感受到自己嘅脆弱與無力，筋疲力盡依然無法嘗到快樂，甚至質疑生存係咪仲有意義，一直身處黑暗，睇唔到希望。
「想 突然地好 突然地有 有力去守候 到天光的一刻再向前走」
而依首作品正正提醒大家喺失意無助時，要相信神，相信世界。雖然依個神未必係打救你一切嘅上帝，但佢可以成為一個心靈寄託，讓你喺痛苦絕望中得到一點安慰與溫暖。
天無絕人之路，多絕望也好都要努力生存，永不放棄。的確可能會繼續面對不同打擊，但只要有堅持嘅勇氣，萬大事總會捱得過。人生尚有漫漫長路，終有一日可以走出低谷，身處絕處仍可逢生。謹記所有人都有被愛嘅資格，身邊亦有無數人會一直支持你，你永不孤單。
「快樂有 快樂那 世俗裡的偏差 未來就 未來吧 二人負擔 不管你 不管我 在哪」
歌詞以外，《神愛世人》由短短前奏開始已經好有感覺，帶大家進入情緒。配上小巧溫柔嘅咬字同聲線，彷似置身一片萬里無雲，寧靜放鬆嘅地方，暫時將一切痛苦放下，閉上雙眼全心享受音樂，安撫心靈，成功將愛散播比每一位聽眾。
「相信 活著 忍耐 捱過萬次的淚印」
如果你依刻正處於低潮，不妨聽多幾次依首作品，問題雖然唔會馬上解決，但可以隔空比你一個擁抱，再重拾動力迎難而上。
《神愛世人》 鄧小巧
作曲: 林宥嘉
作詞: 陳銘洋 / 林宥嘉
編曲: Perry Lau
監製: 林家謙
「快樂有 快樂那 世俗裡的偏差
未來就 未來吧 二人負擔
不管你 不管我 在哪
聽說過神愛很多人 很可能
數我亦有份
你說你大概這世人 恍了神
一切是費神
我會信任你一生人 總可能
死裡面逃生
相信 活著 忍耐 捱過萬次的淚印
相信 活著 忍耐 捱過萬次的淚印」
▼Follow hkpopculturelover
Instagram: https://www.instagram.com/hkpopculturelover/
留言 0