巴黎奧運3台開打 TVB慣常明星壓陣 ViuTV半放棄等鏡仔打救？

1.巴黎奧運 開鑼，政府買入轉播權實行台台有得播！迎接呢個世界級體育盛事，各台都希望爭取觀眾支持，推高收視，關鍵就落咗係評述陣容。

2.先講最無咩人講嘅 #香港電台 ，由 #伍家謙 、 #潘杰寧 控場，明星出席率幾乎係零，最大特點係三語廣播，伍家謙經驗老到亦獲得讚賞。

3.ViuTV 係第二個比指較弱（甚至係較Hea）嘅台，主持班底包括強尼 、Keyman 馬啓仁等。有網民直言有陰影，「上屆推啲鏡仔出嚟，留名睇今屆係咪舊橋重用」。

4.主打明星攻勢嘅TVB搵來方力申同黃翠如擔大旗，親身到巴黎直擊。留守香港主持繼續由鍾志光主理，加埋劉穎鏇 、何沛珈 、陳懿德 、何泳芍多個靚女主持助陣，仲曬冷邀請超過40位專家評述員，只要一人一句，口水都可以將air time淹沒。

5.有網友指，最驚喜應該無HOY TV，請嚟香港第一金李麗珊 、牛下女車神李慧詩 、 伍家朗 、 張小倫等熟悉面孔做星級主持！仲有一哥李尚正同一姐「妹頭」 盧頌恩直擊巴黎賽事，再掘咗多個大台前藝員如蘇韻姿到當地採訪。

6.暫時HOY TV以專業評述陣容彈出，加上珊珊在螢幕前高度讚揚香港體操運動員石偉雄 ，令人感動。而TVB就現場向主辦單位買位，取得多個獨家採訪機會。邊一間電視台係呢場戰爭中，採取半放棄態度，已經顯而易見。

港隊加油

▼Follow 娛頭
Facebook: https://www.facebook.com/profile.php?id=61554772610166