近期有網民Facebook「車cam L（香港群組）」分享一幅掛滿公仔的垃圾車照片，留言「雖然呢期興Inside Out （反轉腦朋友），但Toy Story（反斗奇兵）的影響力仍然是深入民心🥹」引來網友熱烈討論。
相片似在元朗拍攝，黃色的垃圾車上，整整齊齊的掛滿一隻隻公仔，猶如現實版《Toy Story》，有網民估計：「日日都有人棄養… 垃圾車咪領養囉。」
雖然有人擔心公仔會越掛越污糟，不過就獲另一位男網民回應：「呢啲公仔應該已經被丢棄，司機不忍心就繼續帶他們遊車河。」有女網民則大讚：「我覺得車長好sweet，好有愛心。」又有人慨嘆，「太多人長大後壓力大到無晒童真」，希望讓公仔可以走得更遠，以另一方式「活下去」。
圖片來源：Facebook@車cam L（香港群組）
【LINE你睇】每日精選網絡熱話，源源送上新鮮事，LINE你睇唔驚冇話題。