根據Fabrizio Romano嘅報導，富咸以550萬鎊從狼隊簽下前鋒魯爾占美利斯(Raúl Jiménez)，計劃替代離隊在即、轉投沙特嘅米祖域(Aleksandar Mitrovic)👀
上季作為升班馬嘅富咸一口氣殺上聯賽中游第10位衝線，幾個收購都相當對板，包括門將蘭奴、韋利安同所羅門，當中重中之重就係大爆發嘅米祖域，聯賽上陣24場攻入14球1助攻，米祖域係聯賽尾段曾追駡球證而被停賽，令富咸嘅戰績一面倒，更退出競逐歐洲賽嘅位置🥱
富咸上季嘅好表現有一半都依賴米祖域嘅發揮，因此富咸面對沙特球隊希拉爾出價求購都開出高價趕走對方。然而此舉令米祖域大為不滿，認為球隊將其標價5200萬鎊係強人所難，並有報導指出米祖域表示不再願意為富咸出戰。
有見及此，富咸做好兩手準備，立即低價購入新前鋒占美利斯。現時32歲嘅占美利斯征戰英超5季，有豐富經驗無需時間適應，但3年前頭骨骨裂後已經大跌watt，上季更淪為球隊後備，聯賽上陣15場0入球，佢能否取代米祖域係前線作支點、分波再完成埋門工作就令人擔憂🥴不過如果作為後備前鋒，再用出售米祖域嘅轉會資金購入另一位新前鋒則更為妥當，畢竟占美利斯已成老將並不復當年勇🤥
▼Follow 足球港場
Instagram: https://www.instagram.com/footballarena_hk/
留言 0