呂爵安（Edan）於4月1日愚人節推出新歌〈油麻地莎士比亞〉，講述一個中文水平低的男生，每日用有限度的中文用字寫詩送給心儀女生，儘管用字不優美，但已是他最大心意。歌詞貼地又充滿港式情懷。填詞人黃偉文（Wyman）昨日特意解讀歌詞，原來與多年前與吳鎮宇一個訪問有關。
Wyman 指自己在電台初出道時，被一本當時暢銷的週刊邀請，每星期寫一篇明星專訪。雖然因為覺得不太適合自己，只寫了兩三篇，其中一篇就是被安排訪問在藝員訓練班畢業了幾年，剛剛嶄露頭角，並且改用新藝名的吳鎭宇。
Wyman指自己當時「懶尖銳」又刻薄地問吳鎮宇：「我記得你初出道嘅時候，你係用真名吳志強嘅，而家改個藝名，係咪嫌真名太平凡呀？」吳鎭宇聽了，不慌不忙不慍不火地說：「我爸爸媽媽其實都唔係受過好多教育，唔係識好多字，但係我相信，『吳志強 』一定係用咗佢哋一生所識嘅字𥚃面最好嗰兩個而為我改嘅。」
自言中文名字一樣普通Wyman形容當時聽了，已即時想喊：「不只是羞愧於自己的懶牙尖嘴利，而是 ⋯⋯ 係愛呀！」差不多30年後，就決定將這段故事變成了呂爵安的《油麻地 莎士比亞》。
Edan即時留言表示感動，他昨開直播向粉絲講解新歌時，Wyman更首次加歌手的直播，解釋當初Edan希望這歌是極之浪漫的情歌，但他希望這歌是為他度身訂造，寫只有Edan才適合唱的歌詞。他指，怕歌詞中又提「雪櫃」、「菜」會嚇親大家，形容自己交歌詞時好像見工寫求職信，好怕落選。
Edan則透露自己過去都試過用類似方法追女仔，他回憶道：「求學階段試過想追一個女仔，有一個好好朋友嘅中文補習阿Sir就教我每日寫篇文俾對方，佢話自己都係用呢招，用誠意打動咗個女仔，叫我不如都試下，咁我都每日Send Message，打篇文俾佢，都持續咗百幾日，但最終係失敗咗。所以聽完Wyman講，都覺得現實中真係有男仔會咁做。雖然呢件事唔一定Work，但就好Sweet。」不過Edan亦提示大家：「呢招唔可以亂用，有時有啲嘢冇得夾硬嚟，係真係打動緊人還是煩緊人，兩睇。」
